Старэйшая дачка кіраўніка Чачні Рамзана Кадырава — 22-гадовая Айшат Кадырава — прызначаная на пасаду міністра культуры рэспублікі. Пра гэта ў сваім Instagram паведаміў спікер «парламента» рэспублікі Магамед Даудаў.
«Віншую маю дарагую пляменніцу Айшат Рамзанаўну Кадыраву з прызначэннем на пасаду міністра культуры Чачэнскай Рэспублікі», — напісаў ён.
Па словах Даудава, будучы намеснікам міністра культуры, Айшат Кадырава ўнесла вялікі ўклад у развіццё культурнага жыцця Чачні. «Айшат удалося ўнесці каласальны ўклад у развіццё бібліятэк рэспублікі, дамоў культуры і тэатраў, а таксама дамагчыся высокіх паказчыкаў ва ўсіх напрамках дзейнасці Міністэрства культуры Чачэнскай Рэспублікі», — растлумачыў ён.
Каментары