«Цыклон «Герварт», цэнтр якога сёння размяшчаецца на ўсходзе Беларусі, будзе вызначаць надвор'е ў нашай краіне яшчэ і ў наступныя суткі», — сказалі БелТА ў Гідрамеце.
На большай частцы тэрыторыі чакаюцца кароткачасовыя ападкі (мокры снег, дождж). На асобных участках дарог утворыцца галалёдзіца. У многіх раёнах краіны захаваецца моцны вецер з парывамі да 15—22 м/с.
Тэмпература паветра на працягу сутак складзе ад мінус 1 да плюс 5 градусаў, днём па захадзе Брэсцкай і Гродзенскай абласцей павысіцца да +7.
У сераду таксама будуць ападкі, але вецер сціхне. На большай частцы тэрыторыі краіны пройдуць ападкі ў выглядзе мокрага снегу і дажджу.
Тэмпература паветра ўначы складзе ад мінус 3 да плюс 3 градусаў, пры праясненнях да мінус 5. Днём будзе ад нуля да +6, па захадзе — да +8.
У чацвер чарговая сістэма атмасферных франтоў прынясе новую порцыю дажджоў і больш цёплае паветра з Заходняй Еўропы.
На большай частцы тэрыторыі краіны пройдуць кароткачасовыя дажджы, ноччу месцамі, у асноўным па ўсходзе краіны, чакаецца мокры снег, слабы галалёд, на дарогах галалёдзіца.
Тэмпература паветра ўначы складзе ад нуля да +6, днём будзе +6—12. Толькі па паўночным усходзе ноччу пры праясненнях паветра да мінус 1-4 градусаў, днём будзе +2—5.
Каментары