У Беларусі няма перадумоў для замарожвання валютных укладаў насельніцтва. Пра гэта сёння журналістам заявіла старшыня праўлення Нацбанка Надзея Ермакова.
Старшыня праўлення адзначыла, што ў банках назіраюць адток валютных укладаў. Людзі асцерагаюцца, што іх грошы могуць быць замарожаныя. Надзея Ермакова не бачыць перадумоў для такіх дзеянняў. «Нават неяк не ўкладаецца ў галаве: як гэта можна замарозіць валютныя ўклады? У нас такой сітуацыі няма. У любы час банкі могуць заняць валютныя рэсурсы ў замежных банкаў», — сказала яна.
Па словах кіраўніка Нацбанка, не плануецца і паніжэння ставак па валютных укладах. «Паніжаць стаўкі па валютных укладах няма куды. Яны ў нас у краіне нізкія. Максімальныя дасягаюць 6-6,5%», — заўважыла Надзея Ермакова.
Што тычыцца рублёвых укладаў, то іх адток з банкаў практычна спыніўся з прычыны таго, што стаўкі па дэпазітах у нацыянальнай валюце выраслі да 50%. «Гэта зрабілі практычна ўсе банкі па ўсіх дзейных укладах», — заўважыла старшыня праўлення Нацбанка.
Беларускія банкі рыхтуюць праграмнае забеспячэнне, каб прапанаваць кліентам тэрміновы гарантаваны ашчадны ўклад з механізмам індэксацыі рублёвых зберажэнняў пры змене абменнага курсу беларускага рубля. Такія ёсць у трох вядучых банкаў краіны. Напрыклад, у Беларусбанку, па словах Надзеі Ермаковай, на такіх укладах сабралася больш за Br1 трлн. Акрамя таго, банкі Беларусі аднавілі выдачу рублёвых крэдытаў зыходзячы з наяўнай у іх ліквіднасці.
Экс-палітзняволеная расказала, як выходзіла па памілаванні і пра тое, што чуваць пра Калеснікаву1
Каментары