Najlepšy forvard čempijanatu Biełarusi praciahnie karjeru ŭ čempijanacie Polščy
Pres-słužba bresckaha «Dynama» paviedamiła, što kłub dasiahnuŭ pahadnieńnia pa tranśfiery 22-hadovaha forvarda Hiermana Barkoŭskaha z polskim kłubam «Pušča» z horada Niepałamice.
Kłub «Pušča» ź siezona 2023/2024 vystupaje ŭ polskaj Ekstralizie, u minułym siezonie jon zaniaŭ 12-je miesca z 18-ci. U biahučym siezonie paśla pieršaha kruha jon idzie pakul na 15-m miescy.
Uradženiec Babrujska Hierman Barkoŭski pačynaŭ hulać za miascovuju «Biełšynu», paśla kožny hod mianiaŭ kamandy, pabyŭšy hulcom «Isłačy» i «Enierhietyka-BDU».
U bresckaje «Dynama» jon pryjšoŭ u minułym hodzie, i jahony debiut byŭ vielmi paśpiachovy. U 2024 hodzie na jahonym rachunku było 32 praviedzienyja matčy ŭ sinie-biełaj formie, 12 hałoŭ i 16 halavych pieradač. Pa vynikach siezona jon byŭ pryznany lepšym napadajučym vyšejšaj lihi.
U 2022 hodzie, hulajučy za «Isłač», zusim małady tady Barkoŭski byŭ najlepšym bambardziram kamandy, ale niečakana vyrašyŭ pierabracca ŭ ZŠA. Paśla prylotu jon pravioŭ amal miesiac u śpiecyjalnych miescach dla mihrantaŭ, pra što paśla raskazvaŭ u intervju.
Kamientary