Zaviali kryminałku na błohiera-revizora, jaki rabiŭ ahlady na kramy
SK zavioŭ kryminalnuju na błohiera, jaki zrabiŭ ahlad papularnaj kramy, za niezakonny zbor i raspaŭsiud piersanalnych danych. Pres-słužba viedamstva paviedamlaje niekatoryja padrabiaznaści.
U kastryčniku minułaha hoda 32-hadovy žychar stalicy aktyŭna raźvivaŭ svaju błohierskuju dziejnaść u Telegram i TikTok. Mužčyna abraŭ dla siabie zapatrabavany kirunak — jon rabiŭ kantent pra roznyja charčovyja kramy i pakazvaŭ aŭdytoryi, jak supracoŭniki handlu niadobrasumlenna staviacca da svajoj pracy.
«Asnoŭnaj metaj fihuranta było znajści praterminavany tavar, parušanuju cełasnaść upakoŭki praduktu abo zakacić skandał z nahody niedastatkova «čystaj» handlovaj zony», — piša SK.
Dla zdymki čarhovaha siužetu błohier pryjšoŭ u praduktovuju kramu adnoj viadomaj sietki.
Što vyklikała abureńnie błohiera, SK nie paviedamlaje. Viedamstva piša tolki, što błohier «staŭ pavodzić siabie zadzirliva: jon pryciahvaŭ zališniuju ŭvahu naviedvalnikaŭ, adciahvaŭ supracoŭnikaŭ ad pracy».
Kali da minčuka padyšła 40-hadovaja apieratar handlovaha punkta i pasprabavała daviedacca, što adbyłosia, «pakryŭdžany pakupnik staŭ zdymać dyjałoh z supracoŭnikam na svoj mabilny telefon. Žančyna spakojna patłumačyła, što nie daje zhodu na videazdymki i raźmiaščeńnie materyjału sa svaim udziełam u internecie».
Paśla vyśviatleńnia adnosin mužčyna pakinuŭ handlovaje pamiaškańnie i apublikavaŭ videa na svaich staronkach u sacyjalnych sietkach, piša SK.
Pra sutnaść kanfliktu ničoha nieviadoma, ale, imavierna, pavodziny pradavački vyklikali abureńnie ŭ hledačoŭ. Bo «apieratar kramy ŭ imhnieńnie nabyła niežadanuju ŭvahu da svajoj piersony: rolik ź jaje ŭdziełam znachodziŭsia ŭ topie prahladanych videa. Žančyna sutyknułasia z abrazami ad nieznajomych minakoŭ. Akramia taho, 11-hadovaja dačka minčanki padvierhnułasia bulinhu ŭ škole ad svaich adnahodkaŭ. Padletki abzyvali mamu dziaŭčynki, pakazvajučy niepryjemny post».
Žančyna źviarnułasia ŭ milicyju.
SK raspačaŭ spravu pa č. 3 art. 2031 (niezakonnyja dziejańni ŭ dačynieńni da infarmacyi ab pryvatnym žyćci i piersanalnych dadzienych, ździejśnienyja ŭ dačynieńni da asoby ŭ suviazi z ažyćciaŭleńniem joju słužbovaj dziejnaści) Kryminalnaha kodeksa. Da błohiera ŭžytaja miera strymańnia ŭ vyhladzie padpiski ab niavyjeździe i naležnych pavodzinach. Ciapier kryminalnaja sprava znachodzicca ŭ sudzie Centralnaha rajona.
Jakija mienavita źviestki z kramy raspaŭsiudziŭ błohier, nie paviedamlajecca.
Vializnaja chvala zatrymańniaŭ — stała zrazumieła, na kaho hetym razam palavali KDB i HUBAZiK6
Kamientary
Teraryzavaŭ handlaroŭ dziaržabnym parahrafam i zahonam, až nia razumieŭ, što parahraf i zahon vyklučna dziela prymusovaha arbitra ź dziaržaby. A samadziejnyja vałantery, chto vysłužvajecca starannaj addanaściu parahrafu, dziaržabnaj cheŭraj ŭsprymajucca nie jak palapšalniki pryhonu, ale jak kankurenty.
Kolki jašče vas, sacyjalistyčnych ŭrbanistaŭ z navukova-abhruntavanymi schemami zedlikaŭ ŭ parku, palaža ad kipciaŭ dziaržaby, pierad jakoj starajeciesia vysłužycca.
Absalutna nie škada.
Zaraz padobnaje błoCherstva jak deskryditacyja " nidobrasumlennaja kankurencyja" kvirnaroTny kantroŁ..