Kampanija kandydata ŭ prezidenty ZŠA ad Respublikanskaj partyi Donalda Trampa zajaviła, što niekatoryja jaje ŭnutranyja kamunikacyi byli ŭzłamanyja, i abvinavaciła ŭ hetym Iran.
Raniej u subotu vydańnie Politico paviedamiła, što atrymała elektronnyja listy z ananimnaha akaŭnta, jaki dasłaŭ dakumienty ź pieradvybarnaj kampanii Trampa. Jany źmiaščali ŭnutranuju kamunikacyju vysokapastaŭlenaha pradstaŭnika kandydata ŭ prezidenta i daśledčaje daśje, sabranaje kampanijaj u dačynieńni da naparnika Trampa, sienatara ad Ahajo Džej D. Vensa.
Daśje ŭklučała źviestki, što kampanija Trampa vyznačyła patencyjna ŭraźlivyja miescy Vensa. Vydańniu taksama dasłali častku dakumienta ab sienatary ad Fłarydy Marka Rubia, jaki byŭ adnym z pretendentaŭ na toje, kab dałučycca da Trampa ŭ śpisie Respublikanskaj partyi.
Pradstaŭniki Trampa zajavili, što źlityja dakumienty byli atrymanyja niezakonna z zamiežnych krynic, varožych Złučanym Štatam. A ich meta — umiašacca ŭ vybary 2024 hoda i pasiejać chaos u demakratyčnym pracesie.
U piatnicu ŭ novaj spravazdačy Microsoft było vyjaŭlena, što iranskija chakiery ŭzłamali ŭlikovy zapis «vysokapastaŭlenaha čynoŭnika» prezidenckaj kampanii ZŠA u červieni 2024 hoda, što supadaje z časam vybaru Trampam kandydata na pasadu vice-prezidenta.
Pradstaŭniki respublikanca ličać, što za ŭzłomam staić Iran, kab supraćstajać žadańniu Trampa spynić teror. U isłamskaj krainie abvierhli abvinavačańni.
-
U Rasii były ŭdzielnik vajny va Ukrainie zarezaŭ dvuch sabutelnikaŭ i spaliŭ kvateru, dzie adbyvałasia zastolle
-
U Tbilisi ŭ znak pratestu prypyniŭ pracu restaran, papularny ŭ lidaraŭ «Hruzinskaj mary»
-
«Situacyja blizkaja da katastrofy», a «taki moh być zimovy kurort!». Rasijskija vajenkary pra nastup paŭstancaŭ u Siryi
Zdajuć u arendu katedž zahinułaha chakieista Cypłakova. Voś interjery FOTY6
Kamientary