Trahiedyja zdaryłasia ŭ Mahiloŭskim rajonie.
Siamja ŭviečary sieła za viačeru, 62-hadovy mužčyna jeŭ šašłyk i padaviŭsia. Niahledziačy na toje, što svajakam udałosia vyciahnuć kavałak miasa, z-za kisłarodnaha haładańnia adbyłasia hibiel mozhu i spyniłasia serca, paviedamlaje Dziaržaŭny kamitet sudovych ekśpiertyz.
Paźniej vyśvietliłasia, što mužčyna hłytaŭ vialikija kavałki miasa, praktyčna nie pieražoŭvajučy. Paśla ŭ kryvi znajšli etyłavy śpirt u kancentracyi, jakaja adpaviadaje siaredniaj stupieni apjanieńnia.
Sudovyja ekśpierty nahadvajuć, što śmierć pry miechaničnaj aśfiksii z-za trapleńnia ŭ dychalnyja šlachi inšarodnaha cieła moža adbycca vielmi chutka — užo praz paŭtary chviliny paciarpieły hublaje prytomnaść, jašče praz 3-5 chvilin moža pamierci: niedachop kisłarodu žyćciova važnym orhanam, u pieršuju čarhu mozhu, ciahnie spynieńnie serca.
Dla čałavieka, jaki nie moža dychać z-za inšarodnaha cieła, vyratavalnym źjaŭlajecca pryjom Hiejmlicha. Treba ŭstać zzadu paciarpiełaha, abchapić jaho žyvot pad rebrami abiedźviuma rukami; ścisnuć ruku ŭ kułak i častkaj kułaka z boku vialikaha palca prycisnuć žyvot pamiž pupkom i rebrami.
Dałoń druhoj ruki pakłaści pa-nad kułakom i šturchajučym rucham uvierch ucisnuć kułak u žyvot — paŭtarać pryjom da poŭnaha vyzvaleńnia dychalnych šlachoŭ.
Pravaabaroncy: Niekatoryja palitviaźni admovilisia vychodzić na volu 3 lipienia, nie pahadziŭšysia z umovami vyzvaleńnia2
Kamientary