Pra heta damaŭlaŭsia rektar univiersiteta padčas vizitu ŭ Isłamskuju respubliku.
Rektar BDU Andrej Karol padpisaŭ miemarandumy ab uzajemarazumieńni z Technałahičnym univiersitetam imia Amira Kabira i Technałahičnym univiersitetam Malek Aštar.
BDU i iranskija ŭniviersitety damovilisia raźvivać supracoŭnictva. U pryvatnaści, praduhledžvajecca abmien studentami pa prahramach navučańnia ŭsich uzroŭniaŭ; vykładčykami i navukoŭcami, raspracoŭka i realizacyja sumiesnych adukacyjnych prahram, vykanańnie navukova-daśledčych i adukacyjnych prajektaŭ.
Taksama ŭniviersitety buduć abmieńvacca infarmacyjaj i navučalnymi materyjałami, arhanizoŭvać kanfierencyi, sieminary, praktykumy i kursy, vypuskać sumiesnyja publikacyi.
Technałahičny ŭniviersitet Malek Aštar zacikaŭleny ŭ raźvićci navukovaha supracoŭnictva z BDU ŭ halinie optyki, materyjałaznaŭstva i mietałurhii, elektrafiziki, fiziki palimieraŭ i kampazitnych materyjałaŭ.
Z kiraŭnictvam Technałahičnaha ŭniviersiteta imia Amira Kabira prajšło abmierkavańnie ŭ tym liku padrychtoŭki sumiesnych publikacyj u navukovych časopisach, udziełu ŭ navukova-praktyčnych mierapryjemstvach, arhanizacyi navukovych stažyrovak i sumiesnaha navukovaha kiraŭnictva aśpirantami.
U pres-słužbie BDU paviedamili, što na hety momant va ŭniviersitecie vučacca 10 hramadzian Irana.
Paśla praciahłaha rostu ŭ Biełarusi prykmietna źniziŭsia popyt na nieruchomaść. Čamu tak adbyvajecca?4
Paśla praciahłaha rostu ŭ Biełarusi prykmietna źniziŭsia popyt na nieruchomaść. Čamu tak adbyvajecca?
«Toje, što chtości «siadzić za palityku», źjaŭlajecca «častkaj piejzažu». Biełaruska, jakaja naviedała radzimu paśla doŭhaha pierapynku, padzialiłasia ŭražańniami88
Kamientary