Smolninski rajonny sud Sankt-Pieciarburha aryštavaŭ hramadzianina Biełarusi Dźmitryja Alaksiejeva za demanstracyju nacysckaj simvoliki. U jaho nabityja tatuiroŭki sa svastykaj adrazu na niekalkich častkach cieła. Pra heta paviedamlaje Abjadnanaja pres-słužba sudoŭ Sankt-Pieciarburha.
U pres-relizie adznačajecca, što ŭ Alaksiejeva na levaj kiści naniesienaja tatuiroŭka sa svastykaj. Pa-nad joj namalavany čerap u furažcy, na jakoj namalavany aroł, jaki trymaje ŭ łapach stylizavany dubovy vianok, sa svastykaj u centry, što była aficyjnym dziaržaŭnym simvałam nacysckaj Hiermanii. Taksama na plačy i pieradpleččy levaj ruki naniesienaja svastyka z pahonam nacysckaj Hiermanii.
Dzie mienavita biełarus demanstravaŭ svaje tatuiroŭki, nie havorycca, ale ŭdakładniajecca, što ŭsio adbyvałasia ŭ hramadskim miescy — na vulicy. Mahčyma, praź śpiakotu mužčyna ahaliŭ tors, i heta zaŭvažyli pilnyja hramadzianie.
Abvinavačanamu inkryminujecca pravaparušeńnie, praduhledžanaje č. 1 art. 20.3 KaAP RF (prapahanda albo publičnaje demanstravańnie nacysckaj atrybutyki abo simvoliki).
Pry hetym udakładniajecca, što biełarus moh schavać naniesienyja tatuiroŭki, ale nie staŭ heta rabić, «viedajučy, što ździajśniaje publičnaje demanstravańnie na adkrytych častkach cieła tatuirovak z vyjavaj nacysckaj simvoliki».
Alaksiejeŭ svaju vinu pryznaŭ. Sud pryznačyŭ jamu pakarańnie ŭ vyhladzie administracyjnaha aryštu na 14 sutak.
Biełaruskija siłaviki pryjechali zatrymlivać futbolnaha fanata na mašynie z rasijskimi numarami FOTAFAKT
Pikiet nahoj. U pacyjenta ŭbačyli «Pahoniu» na nazie i adpravili z pryjomnaha pakoja ŭ pastarunak
Siłaviki zatrymali žychara Słonima za tatuiroŭku
Bondarava radujecca, što kahości zatrymali za nacysckuju simvoliku. A ŭ samoj…
Łukašenka pryznaŭ, što maje patrebu ŭ adpačynku i što vialikaja kolkaść ludziej jaho praklinaje48
Kamientary