Daśledčyki miarkujuć, što virusam mohuć zarazicca i ludzi. Bolš za toje, jon moža pieradavacca ad čałavieka da čałavieka.
Virus H5N1 cyrkuluje siarod ptušak užo niekalki dziesiacihodździaŭ — spačatku jon źjaviŭsia ŭ Azii, ale z časam raspaŭsiudziŭsia pa ŭsim śviecie. Tak, naprykład, raniej u Nižniaj Saksonii (Hiermanija) u vyniku raspaŭsiudžvańnia ptušynaha hrypu pryjšłosia źniščyć bolš za 90 tysiač ptušak, piša Bild.
U 2021 hodzie ptušyny hryp dasiahnuŭ Paŭnočnaj Amieryki, vosieńniu 2023 hoda tam upieršyniu zarazilisia karovy. Ciapier chvala infiekcyi raspaŭsiudžvajecca ŭžo pa 12 štatach.
Daśledčyki miarkujuć, što virusam mohuć zarazicca i ludzi. Bolš za toje, imavierna, jon moža pieradavacca ad čałavieka da čałavieka.
«Imaviernaść zaražeńnia čałavieka tym bolš, čym daŭžej i šyrej virus cyrkuluje siarod roznych mlekakormiačych», — skazała haziecie virusołah, kiraŭnik Centra novych virusnych zachvorvańniaŭ pry Ženieŭskim univiersitecie Izabeła Ekierle.
Epidemijołah z Harvarda Majkł Mina kaža, što ŭłady ZŠA «hulajuć z ahniom», nie prymajučy dastatkovych mier suprać raspaŭsiudu chvaroby. Tym časam virus H5N1 užo byŭ znojdzieny ŭ myšej i katoŭ.
Pa danych Centra pa kantroli za zachvorvańniami ZŠA, virus moža vyklikać u ludziej jak lohkija infiekcyi vierchnich dychalnych šlachoŭ i vačej, tak i patencyjna śmiarotnyja zachvorvańni — takija, naprykład, jak pnieŭmaniju.
«Virus ptušynaha hrypu ciapier šyroka raspaŭsiudžany siarod dzikich ptušak pa ŭsim śviecie, što padvyšaje ryzyku jaho adaptacyi da čałavieka, — zajaviŭ u razmovie z Bild były ekśpiert SAAZ pa pandemijach, prafiesar Kłaus Šcior.
Pry hetym, pavodle jaho słoŭ, ciapier ptušyny hryp nie pieradajecca ad čałavieka da čałavieka.
«Zachvorvańni i śmiarotnyja vypadki siarod ludziej u ciapierašni čas vielmi redkija. Dla hetaha nieabchodny vielmi intensiŭny kantakt z zaražanymi žyviołami, a infikavanyja ludzi nie pieradajuć virus», — dadaŭ Šcior.
Łukašenka pryznaŭ, što maje patrebu ŭ adpačynku i što vialikaja kolkaść ludziej jaho praklinaje37
Kamientary