ZŠA vitajuć vyzvaleńnie biełaruskich palitviaźniaŭ i zaklikajuć vyzvalić astatnich
ZŠA vitajuć vyzvaleńnie niekatorych palitviaźniaŭ u Biełarusi. Zajavu namieśnika pamočnika dziaržsakratara Krystafiera Śmita apublikavała ŭ tvitary amierykanskaja ambasada ŭ Minsku.
![](http://nnexpictures.fra1.digitaloceanspaces.com/img/w732d4webp1/photos/z_2024_07/-pw9e7.png.webp)
«My vitajem navinu ab vyzvaleńni niekatorych z najbolš uraźlivych palityčnych źniavolenych Biełarusi. Bolš za 1400 palitviaźniaŭ zastajucca niespraviadliva zatrymanymi. My zaklikajem ich nieadkładna vyzvalić i paćviardžajem našu prychilnaść pravam čałavieka i demakratyi ŭ Biełarusi», — havorycca ŭ zajavie.
2 lipienia Alaksandr Łukašenka anansavaŭ vychad na volu niekalkich palitviaźniaŭ, u asnoŭnym, z ankazachvorvańniami. Na ciapierašni momant pravaabaroncam viadomyja imiony 10 vyzvalenych čałaviek, ale jany, za vyklučeńniem Ryhora Kastusiova, nie nazyvajucca.
Kamientary