Skandał u Kyrhyzstanie z-za zaručyn plamieńnicy prezidenta Žaparava. Tamu pryjšłosia vybačacca

Žaparaŭ zajaviŭ, što budučy ziać pavinien byŭ pastaracca «nie padstaŭlać prezidenta», padumać, pierš čym prasić ruki jaho plamieńnicy takim sposabam. Pry hetym kiraŭnik dziaržavy adznačyŭ, što ŭłady zdajuć viertaloty ŭ arendu, kab atrymanyja hrošy nakiroŭvać u biudžet, i dziaržava daje ich usim žadajučym.

Pavialičyć

«Blizkija kiraŭnictva krainy pavinny być prykładam dla inšych. Ja časta paŭtaraju, što treba spynić marnatraŭstva. Jak minimum, budučy ziać moh padtrymać mianie i padumać, pierš čym rabić takuju ​​prapanovu. Jon pavinien byŭ pasprabavać nie naryvacca na krytyku, nie padstaŭlać prezidenta. Dumaju, jon zrabiŭ heta pa maładości. Spadziajusia, što nadalej jany buduć dumać, a zatym rabić», — skazaŭ Žaparaŭ. 

Jon taksama adznačyŭ, što ŭvieś čas papiaredžvaje bratoŭ i ich dziaciej, kab jany nie ŭmiešvalisia ŭ dziaržaŭnyja spravy. «Raniej ja krytykavaŭ inšych. Ciapier sutyknuŭsia z hetym sam», — dadaŭ jon. 

Uviečary 24 červienia plamieńnicy prezidenta Sadyra Žaparava — 23-hadovaj Łazat Nurkažojevaj — zrabili prapanovu ruki i serca. Videa i fota z momantami ŭračystaści byli apublikavany na jaje staroncy ŭ Instagram.

Miarkujučy pa kadrach, prapanova była zroblena ŭ vioscy Kaška-Suu, kudy Łazat Nurkažojeva razam sa svaim budučym žanichom prylacieła na viertalocie. Viertalot Airbus H-125 z bartavym numaram EX-88010 naležyć MNS Kyrhyzstana. 

Paśla hetaha para padniałasia na padrychtavanuju płatformu, pobač znachodzilisia rodnyja i blizkija. Na prapanovu Łazat Nurkažojeva adkazała zhodaj. Pra žanicha pakul ničoha nie viadoma. 

Łazat Nurkažojeva zjaŭlajecca samaj publičnaj piersonaj siarod svajakoŭ prezidenta. Jana stvaryła ŭłasny dyzajnierski brend adzieńnia dva hady tamu, nie raz traplała ŭ publikacyi ŚMI z tych ci inšych nahod. Naprykład, jak adznačała svoj dzień naradžeńnia, zastupałasia za svajho dziadźku z-za darahoha adzieńnia, nazyvała jaho «baćkam naroda». Jana taksama parkavałasia na tratuary, parušajučy PDR, joj vydavali śpiecpropusk na prezidenckaje mierapryjemstva, piša kaktus.media.

Šyrokuju viadomaść jana zdabyła paśla taho, jak stała pieramožcaj konkursu pryhažości «Mis Kyrhyzstan — 2020», praz dva z pałovaj miesiacy paśla taho, jak jaje dziadźka Sadyr Žaparaŭ pryjšoŭ da ŭłady ŭ krainie. 

Posmotrieť etu publikaciju v Instagram

Publikacija ot Aizada Jamgyrchieva (@aizada_jamgyrchieva)

Paźniej vyśvietlicca, što dadzieny konkurs nie zjaŭlajecca aficyjnym i što jon nie maje dačynieńnia da mižnarodnych konkursaŭ pryhažości. Pry hetym na svajoj staroncy ŭ sacsietkach Łazat Nurkažojeva ŭ kancy studzienia 2021 hoda zajaŭlała, što pradstavić krainu na mižnarodnym konkursie pryhažości «Mis Suśviet». Adnak u śpisie ŭdzielnic konkursu pryhažości «Mis Suśviet — 2021» jaje ŭ vyniku nie akazałasia.

• 0
• 2
• 2
• 7
• 1
• 2
• 1