U Viciebsku ŭłady likvidavali najstarejšuju žanočuju arhanizacyju
Inicyjatyva naležała Miniustu.
Viciebski abłasny sud pryniaŭ rašeńnie ab likvidacyi Biełaruskaha hramadskaha abjadnańnia žančyn «Uljana». Podpis pad rašeńniem pastaviła sudździa Volha Iljušonak. Inicyjataram likvidacyi vystupiŭ Miniust, piša «Viciebskaja viasna».
«Uljana» — najstarejšaja žanočaja arhanizacyja Viciebska. Bolš za 26 hadoŭ jana abjadnoŭvała aktyŭnych biełaruskich žančyn, jakija zajmalisia realizacyjaj hramadska značnych prajektaŭ. Arhanizacyja akazvała dapamohu žančynam, dzieciam i siemjam, jakija trapili ŭ składanuju žyćciovuju situacyju.
Praktyčna ŭsie prajekty byli realizavany sumiesna ź miascovymi orhanami vykanaŭčaj ułady.
Tak, u 2018 hodzie členami arhanizacyi i UUS pa Viciebskaj vobłaści byŭ realizavali prajekt «vučycca, kab dziejničać», jaki byŭ prafinansavany Jeŭrapiejskim sajuzam i Fiederalnym ministerstvam ekanamičnaha supracoŭnictva i raźvićcia Hiermanii.
U apošni čas 13 aktyvistak «Uljany» sumiesna z abłasnymi miedycynskimi dziaržstrukturami praviali niekalki mierapryjemstvaŭ u dapamohu žančynam, u jakich dyjahnastavany VIČ.
Kamientary