Nasamreč jaje zvali Fransuaza Drejfus. Jana pamierła va ŭzroście 92 hadoŭ, piša Le Figaro.
U pieršuju čarhu Anuk Eme viadomaja svajoj rolaj razam z Žan-Łui Trencińjanam u filmie Kłoda Leluša «Mužčyna i žančyna».
Jaje zvali Fransuaza Drejfus, i ŭ 13 hadoŭ jana pierajmienavała siabie ŭ Anuk Eme (Anouk Aimée — Aimée — kachanaja, lubimaja) dla zdymak u svaim pieršym filmie ŭ Anry Kalefa «Dom pad moram» (1947).
Viadomaść jana atrymała tolki praz 12 hadoŭ, syhraŭšy Žannu Ebiutern — kachanuju Amiedea Madyljani ŭ bajopiku «Manparnas, 19». Šmatspadzieŭnuju aktorku zaŭvažyŭ Fiederyka Fielini i zaprasiŭ jaje zdymacca ŭ svaje epachalnyja karciny — «Sałodkaje žyćcio» i «8 1/2».
U 1961 hodzie vykanała hałoŭnuju rolu ŭ kiniematahrafičnym debiucie Žaka Demi — muzyčnym filmie «Łoła». Adnak dla miljonaŭ hledačoŭ pa ŭsim śviecie Anuk Eme — u pieršuju čarhu, žančyna ź filma Kłoda Leluša «Mužčyna i žančyna» (1966). Hetaja rola pryniesła joj ceły šerah uznaharod, uklučajučy «Załaty hłobus», i naminacyju na «Oskar».
U 1969—1975 hadach u kino nie zdymałasia. U 1980 hodzie rola Eme ŭ italjanskim filmie «Skačok u pusteču» była adznačana pryzam Kanskaha fiestyvalu.
Była zamužam čatyry razy.
Kaho z palitviaźniaŭ mohuć vypuścić paśla anonsu Łukašenki?8
Kaho z palitviaźniaŭ mohuć vypuścić paśla anonsu Łukašenki?
«Kadebist u čornych skuranych palčatkach zadavaŭ pytańni, i kali ja nie adkazvała, pačynaŭ mianie dušyć»11
Kamientary