U Minsku pradajecca 3-paviarchovaja kvatera ŭ taŭnchausie. Kolki chočuć za jaje?
Kvatera niatannaja, ale ŭ pieraliku na kvadratny mietr usio vyhladaje bolš demakratyčnym.
U Minsku pradajecca piacipakajovaja kvatera ŭ taŭnchausie: 3-paviarchovym domie na niekalki kvater. Ahulnaja płošča kvatery składaje 250 kvadratnych mietraŭ, ź jakich 120 kv. m — žyłaja; płošča kuchni — 32 kv. m. Abjavu zaŭvažyła vydańnie «Blizka».
Kvatera znachodzicca na vulicy Łazo ŭ Sielhaspasiołku (pobač ź Zialonym Łuham).
U kvatery piać pakojaŭ, try pavierchi, try bałkony, try sanvuzły.
Na pieršym paviersie raźmieščany haraž, kuchnia (z vychadam na łodžyju), sanvuzieł. Na druhim paviersie — haścioŭnia (z vychadam na bałkon), spalnia, harderobnaja, jašče adzin sanvuzieł. Na trecim — try prastornyja pakoi i jašče adzin sanvuzieł.
Kvatera prapanujecca na prodaž z usioj meblaj i bytavoj technikaj.
Za kvateru chočuć atrymać krychu bolš za 833 tysiačy rubloŭ, abo 260 tysiač dołaraŭ u ekvivalencie. Takim čynam, košt adnaho kvadratnaha mietra składaje 1040 dołaraŭ.
Na zimu zapłanavanyja masavyja zatrymańni, składzienyja «pieršy i druhi śpisy»17
Kamientary