Papa Francišak nadaŭ Uładzisłavu Zavalniuku tytuł Kapiełana Jaho Śviataści
Heta adbyłosia z nahody 50-hodździa śviatarstva probašča Čyrvonaha kaścioła.
Papa Francišak nadaŭ probašču Čyrvonaha kaścioła Uładzisłavu Zavalniuku tytuł Kapiełana Jaho Śviataści. eta adbyłosia pa prośbie mitrapalita Stanieŭskaha z nahody 50-hodździa śviatarstva ks. Zavalniuka, paviedamlaje «Chryścijanskaja vizija».
Abviaščeńnie nadańnia tytuła Kapiełana Jaho Śviataści adbyłosia na sustrečy ksiandzoŭ u Budsłavie. Dakumient začytaŭ arcybiskup Kandrusievič, jaki ŭžo niekalki dziesiacihodździaŭ viedaje ks. Zavalniuka.
Z hetaj nahody ijerarch skazaŭ: «Ty pavinien śviatkavać hety jubilej nie tolki ŭ hetym kaściole ci ŭ inšych, ale ŭ Čyrvonym. Na žal, nie možaš hetaha zrabić. Nie pabajusia skazać — usie atasajamlajuć Čyrvony Kaścioł z ks. Zavalniukom. Spadziajusia, heta prablema budzie vyrašana. Kali nie siońnia, to ŭ inšy dzień».
Kapiełan Jaho Śviataści (łac.: Cappellanis Sanctitatis Suae) — śviatar, jakomu Papa nadaŭ hety tytuł. Kapiełany nazyvajucca mansińjorami i majuć niekatoryja pryvilei ŭ častcy carkoŭnaha stroju.
Mitrapalit Stanieŭski dałučyŭsia da vinšavańniaŭ probašču kaścioła sv. Symona i Aleny i pažartavaŭ, što «ŭ Biełarusi jość katalicki, hrodzienski i čyrvony kaścioły».
U kancy vieraśnia spoŭnicca dva hady jak kaścioł sv. Symona i Aleny začynieny ŭładami. Chram adklučany ad kamunikacyj, parafiju prymusili zabrać svaju majomaść. Nijakich ramontnych prac u śviatyni nie pravodzicca.
Stała viadoma, što za damovu ŭčora padpisali Łukašenka z Pucinym15
Stała viadoma, što za damovu ŭčora padpisali Łukašenka z Pucinym
Viarnuŭsia z vajny, uładkavaŭsia ŭ Varšavie, pasvaryŭsia z usimi — i źnik. Pryjacieli pra eks-kalinoŭca Maksima Ralko, jakoha zatrymali ŭ Biełarusi2020
Kamientary