Zorcy «Što? Dzie? Kali?» Fiodaru Šviedavu prysudzili 3,5 hoda chimii. Jon užo na voli
U Hrodzienskim abłasnym sudzie 19 krasavika ahučyli prysud 48-hadovamu Fiodaru Šviedavu. Jaho abvinavacili pavodle art. 361-2 Kryminalnaha kodeksa (finansavańnie dziejnaści ekstremisckaha farmavańnia). Sudździa Vital Kuleš pryznačyŭ Fiodaru try z pałovaj hady abmiežavańnia voli.
Jak paviedamlali prapahandysty, mužčyna zadanaciŭ 52 rubli 88 kapiejek inicyjatyvie «Čiestnyje ludi», inicyjatyvie «Biełaruskaja Rada kultury» — 26 rubloŭ 7 kapiejek i jašče 26 rubloŭ 20 kapiejek — fondu By_Help.
Na sudzie Šviedaŭ vinu pryznaŭ častkova.
Jon rastłumačyŭ, što «nie mieŭ namieru davać hrašovyja srodki ekstremisckim farmavańniam, a hrošy pieravodziŭ u dabračynnych metach dla akazańnia dapamohi ŭ apłacie štrafaŭ, pasłuh advakataŭ, miedykamientaŭ ludziam, jakija ŭdzielničali ŭ pratesnych akcyjach».
Sudździa Vital Kuleš 19 krasavika pryznaŭ Šviedava vinavatym i asudziŭ jaho da troch hadoŭ i šaści miesiacaŭ chimii z kanfiskacyjaj telefona.
Pieršapačatkova paviedamlałasia, što Šviedavu prysudzili kałoniju, ale heta była pamyłkovaja infarmacyja.
Šviedava zatrymali 26 studzienia 2024 hoda. Mužčyna ŭtrymlivaŭsia pad vartaj u turmie Hrodna.
Alaksandr Łukašenka pacałavaŭ orden, uručany jamu Pucinym16
Kamientary
Davajcie budziem ščyrymi, uzrovień intelektualnaha raźvićcia tych chto asudžaŭ dy prymaŭ "rašeńni" nu znaaaačna nižejšy.