Siłaviki vypuścili pašyreńnie dla braŭzera «Stop ekstremizm». Voś čamu jaho treba ścierahčysia
Siłaviki vypuścili brauzernaje pašyreńnie «Stop ekstremizm», pryznačanaje nibyta dla papiaredžańnia karystalnikaŭ ab «ekstremiźmie» ŭ internecie. «Miedyjazona» vyjaviła, što ŭ niekatorych karystalnikaŭ Windows vyznačaje ŭ im škodnasnaje prahramnaje zabieśpiačeńnie, jakoje źbiraje infarmacyju pra karystalnika.
![](http://d3kcf2pe5t7rrb.cloudfront.net/img/w732d4webp1/photos/z_2023_01/nashaniva-sh-10-1qrkz.jpg.webp)
Praŭładny telehram-kanał «Infainśpiekcyja» siońnia anansavaŭ brauzernaje pašyreńnie «Stop ekstremizm». Pa słovach raspracoŭščykaŭ, jano pavinna papiaredžvać karystalnikaŭ, kali jany «vypadkova» zachodziać na resursy, uniesienyja ŭ śpis «ekstremisckich» materyjałaŭ.
Raspracoŭščyki pišuć, što pašyreńnie pracuje ŭ režymie realnaha času, skanujučy URL-adrasy, jakija naviedvaje karystalnik, i źviarajučy ich z bazaj danych «ekstremisckich» resursaŭ, jakaja pastajanna abnaŭlajecca.
Pry ŭstalavańni pašyreńnia «Miedyjazona» zaŭvažyła, što ŭ niekatorych karystalnikaŭ Windows vyjaŭlaje ŭ archivie trajan Wacatac.h!ml.
![](http://nnexpictures.fra1.digitaloceanspaces.com/img/w732d4webp1/photos/z_2024_04/4ce106119581d0e502e3966c2207c225-e5623.jpeg.webp)
Hetaje škodnasnaje PZ moža zahružać i ŭstaloŭvać na vaš kamputar inšyja škodnasnyja prahramy abo zapisvać naciskańni kłaviš dla kradziažu asabistaj infarmacyi. Naprykład, ulikovych danych dla ŭvachodu ŭ sacsietku ci danych bankaŭskaha rachunku.
Taksama Wacatac dazvolić inšym pryładam atrymać dostup da vašaj pryłady i addalena kiravać joj. Pry dapamozie hetaha vaš kampjutar moža vykarystoŭvacca dla praviadzieńnia DDoS-napadaŭ abo majninhu kryptavalut.
Zrešty, pry bolš pilnym vyvučeńni koda pašyreńnia «Miedyjazona» nie znajšła padazronych dziejańniaŭ, jakija vykonvaje pašyreńnie.
Miesiendžary, kamiery, žučki. Jak śpiecsłužby mohuć prasłuchoŭvać biełarusaŭ i čaho aścierahacca?
Telehram-bot «Mahnit», jaki siłaviki staviać zatrymanym: jakija źviestki jon moža źbirać i jak ad hetaha abaranicca
Važna viedać. Jakim čynam represiŭnyja orhany dastajuć užo vydalenuju infarmacyju z Telegram i što možna z hetym zrabić?
Kotatogram: hubazikaŭcy pakazali, jak jany analizujuć pratesnyja čaty. Voś što varta viedać
Kamientary
(Ale heta, zrazumieła, nie harantuje, što ŭ nastupnych viersijach nie źjavicca).