Što adbyvałasia na apošnim pasiedžańni Respublikanskaj rady pa histaryčnaj palitycy — vytrymki z pratakoła
U redakcyju «Našaj Nivy» trapiŭ pratakoł pasiedžańnia Respublikanskaj rady pa histaryčnaj palitycy pry Administracyi Łukašenki. Jon adnosna śviežy — datavany śniežniem 2023 hoda. U im, na žal, niama stenahram vystupoŭcaŭ, ale razhledžanyja pytańni dajuć razumieńnie taho, čym i jak zajmajecca hety orhan.
Uznačalvaŭ pasiedžańnie Rady jaje staršynia — tahačasny kiraŭnik Administracyi Łukašenki Ihar Sierhiejenka. Ciapier jon staŭ deputatam Pałaty pradstaŭnikoŭ.
Jahony namieśnik u Radzie — Ihar Łucki, jon ža namieśnik Sierhiejenki i pa Administracyi.
Sakratar rady — historyk Viačasłaŭ Daniłovič. Apošnija hady jon byŭ rektaram Akademii kiravańnia, a ciapier pryznačany ŭ parłamient.
Atrymać dadzieny pratakoł «Našaj Nivie» dapamoh «Biełpoł».
Voś jakija pytańni stajali pierad tymi, chto sabraŭsia 5 śniežnia 2023 u Minsku:
— «Ab realizacyi padychodaŭ Mininfarmacyi pa vymańni z prodažu vydańniaŭ, jakija skažajuć histaryčnuju praŭdu, i ałharytmie ŭzajemadziejańnia ź Minkultury i Minadukacyi pa vymańni z fondaŭ biblijatek ekstremisckich vydańniaŭ».
Zasłuchaŭšy dakład ministra infarmacyi Uładzimira Piarcova, Rada daručyła Mininfarmu sumiesna z MUS, Minadukacyi, Miniustam i Sajuzam piśmieńnikaŭ Biełarusi vyznačyć paradak vymańnia i źniščeńnia «ekstremisckich materyjałaŭ».
— «Ab nieabchodnaści vypracoŭki adzinych padychodaŭ da realizacyi kulturnaha impartazamiaščeńnia».
Vystupiŭ ministr kultury Anatol Markievič. Było vyrašana daručyć Uradu, abłvykankamam, Minharvykankamu, Minhandlu, Minkultu ŭ samyja karotkija terminy vypracavać adzinyja padychody pa afarmleńni abjektaŭ handlu, charčavańnia, kultury z vykarystańniem tradycyjnych navahodnich i kaladnych vobrazaŭ, muzyčnaha supravadžeńnia.
— «Ab pryniatych zachadach pa vyklučeńni łacinicy ŭ najmieńniach vulic i inšych tapahrafičnych abjektaŭ i vyviadzieńni jaje da kanca 2023 hoda z užytku».
Vystupali staršynia Dziaržkamitetu pa majomaści Dźmitryj Matusievič, načalnik Biełčyhunki Uładzimir Marozaŭ i dyrektar Minskaha mietrapalitena Uładzimir Sotnikaŭ.
Z čym vystupali hetyja čynoŭniki, i ci chapiła kamu ź ich duchu chacia b dla historyi pakinuć arhumient na karyść łacinki, nieviadoma. Ale ŭsie prahałasavali za daručeńnie ŭradu — da kanca 2023 vykanać daručeńnie Alaksandra Łukašenki i z kancami źniščyć łacinku.
— «Ab raspracoŭcy prykładnaj vučebnaj prahramy «Historyja biełaruskaj dziaržaŭnaści» i vučebnaj prahramy i vučebnaha dapamožnika «Historyja Biełarusi ŭ kantekście suśvietnaj historyi» dla 10 kłasa»
Zasłuchali dakład ministra adukacyi Andreja Ivanca. Vyrašyli pradstavić u Akademii kiravańnia infarmacyju pra zroblenuju pracu i płany, a Daniłovič usio heta abahulić i pieradaść u Administracyju prezidenta.
— «Ab darožnaj karcie raźvićcia časopisaŭ «Biełaruski histaryčny časopis» i «Historyja i hramadaznaŭstva»
Darožnuju kartu ŭchvalili.
— «Ab praviadzieńni respublikanskaha konkursu «Adkryvajem Biełaruś» na pryzy Respublikanskaj rady pa histaryčnaj palitycy pry Administracyi Łukašenki».
Ideju padtrymali, buduć pravodzić konkurs.
«Takoha kštałtu kamisii stvarajucca nie dla abarony «histaryčnaj praŭdy», a dla ŭnifikacyi histaryčnaj navuki Biełarusi z rasiejskaj»
Hihin pryznaŭsia, što «Kałasy pad siarpom tvaim» vyklučyli sa školnaj prahramy ź jaho inicyjatyvy
Sierhiejenka pra «ekstremisckija knihi»: Razmova pra źniščeńnie nie idzie
«Vyvieści z užytku». Łukašenkaŭcy vyrašyli rusifikavać i tranślitaracyju hieahrafičnych nazvaŭ
Hihin vystupiŭ za čystku kniharań — u dziaržaŭnych sietkach pačali prybirać cełyja sieryi knih
Favarytka Łukašenki i Čyža — što pryniesła himnastcy Ksienii Sankovič blizkaść z palityčnymi elitami?6
Kamientary