«Chočam narešcie pažyć pa-ludsku». Jak vyžyvajuć u rajcentry za 90 kiłamietraŭ ad Minska
Žychary šmatkvaternaha doma pa vulicy Stachanaŭskaja ŭ Vilejcy amal 15 hadoŭ žyvuć z nadziejami pra kapitalny ramont i padklučeńnie kamunikacyj. Ale pakul što ŭ ich jość tolki elektryčnaść.
![](http://d3kcf2pe5t7rrb.cloudfront.net/img/w840d4webp1/photos/z_2024_01/1705495389-gfcfv.jpg.webp)
Žychary doma źviarnulisia ŭ redakcyju Kraj.by sa svaimi prablemami.
Jon byŭ pabudavany ŭ 1970 hodzie dla pražyvańnia rabotnikaŭ Vilejska-Minskaj vodnaj sistemy, ale tolki svajoj nazvaj adpaviadaje kvaternamu typu.
![](http://d3kcf2pe5t7rrb.cloudfront.net/img/w732d4webp1/photos/z_2024_01/1705498212-tphbd.jpg.webp)
U im adsutničajuć usie kamunikacyi, jość tolki elektryčnaść. Aciapleńnie piačnoje (adna pieč na dva pakoi i kuchniu), kałonka z vadoj — na dvary, viodry z pamyjami žychary vynosiać na vulicu i vylivajuć u septyk.
![](http://d3kcf2pe5t7rrb.cloudfront.net/img/w732d4webp1/photos/z_2024_01/1705498285-d1v8p.jpg.webp)
Duša z vannym pakojem taksama niama. Raniej byli čyhunnyja vannyja, ale ich pavykidali, bo padvodu i vyvadu vady ŭsio adno niama. Draŭlanaja prybiralnia na čatyry kabinki znachodzicca na vulicy, aśviatleńnia ŭ joj niama.
![](http://d3kcf2pe5t7rrb.cloudfront.net/img/w732d4webp1/photos/z_2024_01/1705495960-6uqel.jpg.webp)
![](http://d3kcf2pe5t7rrb.cloudfront.net/img/w732d4webp1/photos/z_2024_01/1705498344-dd3gw.jpg.webp)
— Da 2010 hoda pa našaj vulicy nie byli prakładzienyja mahistralnyja kamunikacyi, i my razumieli, što źmianić ničoha nielha. Ale, kali prakłali hazapravod i vadapravod, źjaviłasia realnaja mahčymaść źmianić naša stanovišča da lepšaha, — kaža žycharka doma.
![](http://d3kcf2pe5t7rrb.cloudfront.net/img/w732d4webp1/photos/z_2024_01/1705498266-tng0e.jpg.webp)
Žychary źviartalisia ŭ ŽKH i rajvykankam. Im vusna abiacali raspačać kapitalny ramont u kancy 2010 hoda, a paśla — u 1-m kvartale 2011-ha.
Ale ničoha nie zdaryłasia, tamu daviałosia źviartacca da ŭładaŭ piśmova. Pa fakcie była praviedzienaja tolki techničnaja ekśpiertyza doma. U płan kapramonta jaho tak i nie ŭklučyli, a vadapravod nie praviali.
![](http://d3kcf2pe5t7rrb.cloudfront.net/img/w732d4webp1/photos/z_2024_01/1705496883-573rr.jpg.webp)
Za hety čas byŭ zrobleny tolki biahučy ramont — pafarbavali padjezd i pabialili fundamient, adramantavali dźviery i zamianili tualety na takija ž draŭlanyja.
U 2021 hodzie žychary doma znoŭ źviarnulisia ŭ Vilejski rajvykankam pa pytańni pryznačeńnia terminaŭ madernizacyi žyłoha doma. Na što atrymali adkaz, što dom uklučany ŭ pierśpiektyŭnuju prahramu kapramontu na 2019-2023 hady.
Ale sioleta žycharam skazali, što ŭsiu praceduru padklučeńnia žyłoha doma da centralnych sietak vodazabieśpiačeńnia nieabchodna zrabić za svaje hrošy. 4 studzienia hetaha hoda prajšoŭ schod nakont kapramontu, na jakim im uručyli damovy i vusna apaviaścili, što budzie adramantavany dach, vakno ŭ padjeździe i padciahnuty novy elektryčny kabiel dla padłučeńnia da elektraaciapleńnia.
![](http://d3kcf2pe5t7rrb.cloudfront.net/img/w732d4webp1/photos/z_2024_01/1705496546-7qfi2.jpg.webp)
Žychary doma kažuć, što nie majuć finansavaj mahčymaści apłačvać padklučeńnie da kamunikacyj samastojna, bo hetyja sumy nie maleńkija. Jany adpravili čarhovy kalektyŭny zvarot u rajvykankam z prośbaj akazać sadziejničańnie ŭ praviadzieńni kamunikacyj pry ažyćciaŭleńni kapitalnaha ramontu.
![](http://d3kcf2pe5t7rrb.cloudfront.net/img/w732d4webp1/photos/z_2024_01/1705498234-zabnm.jpg.webp)
Namieśnik staršyni Vilejskaha rajvykankama Alaksandr Katovič raskazaŭ Kraj.by, što z žycharami doma nieadnarazova abmiarkoŭvali pytańni kapitalnaha ramontu doma. Jon skazaŭ, što zhodna z zakanadaŭstvam źjaŭleńnie novych inžyniernych sistem u domie pavinna adbyvacca za košt ułaśnikaŭ žyłych pamiaškańniaŭ.
Ułady źbirajucca pravieści paŭtorny schod, dzie rastłumačać paradak dobraŭparadkavańnia dadatkovych inžyniernych sistem i dapamohuć žycharam vypracavać dalejšuju schiemu dziejańniaŭ.
-
«Ci nie zašmat vy na siabie ŭziali?» Cichanoŭskaja adkazała na vostryja pytańni pra status Nacyjanalnaj lidarki
-
«Vialiki čałaviek dla biełarusaŭ». Łukašenku paprasili nazvać vulicu ŭ Minsku ŭ honar savieckaha maršała
-
Ajcišnik z EPAM, jaki žyvie ŭ ZŠA, naviedaŭ Biełaruś. Ciapier jamu pahražaje da siami hadoŭ kałonii
Kamientary