ZŠA nadaduć pilnuju ŭvahu miascovym vybaram u Biełarusi
U 2010 hodzie Złučanyja Štaty majuć namier nadać pilnuju ŭvahu kampanii pa vybarach u miascovyja saviety ŭ Biełarusi, paviedamiŭ časovy pavierany ŭ spravach ZŠA ŭ Biełarusi Majkł Skenłan.
«Vybary ŭ miascovyja saviety ŭ 2010 hodzie buduć ab`iektam našaj pilnaj cikavaści, — skazaŭ dypłamat. — My vitali ŭdzieł urada Biełarusi ŭ raspačatym minułaj viasnoj dyjałohu z udziełam BDIPČ, apazicyjnych partyj i hramadzianskaj supolnaści pa prapanavanych źmianieńniach u vybarčaje zakanadaŭstva».
Skenłan padkreśliŭ, što hety dyjałoh nie znajšoŭ svajho praciahu. «My padzialajem vykazanyja niadaŭna BDIPČ škadavańni ab tym, što Biełaruś tak i nie padała na razhlad hetaj arhanizacyi adpaviednyja papraŭki ŭ vybarčaje zakanadaŭstva, damoŭlenaść ab čym była dasiahnuta viasnoj, — skazaŭ časovy pavierany.— Akramia taho, vyklikaje škadavańnie toj fakt, što biełaruski ŭrad admoviŭsia ad ŭłasna zajaŭlenych źmianieńniaŭ, jakija davali naziralnikam mahčymaść prosta nazirać za padlikam hałasoŭ».
U toj ža čas, padkreśliŭ Skenłan, ZŠA vitajuć «niadaŭnija zajavy parłamienta pra namier razhledzieć prapanovy apazicyjnych partyj pa vybarčym zakanadaŭstvie». «My spadziajemsia na lepšaje i adkryta dzielimsia ź biełaruskim uradam svaim bačańniem situacyi», — skazaŭ jon.
Va Ukrainie zahinuła 24-hadovaja biełaruskaja dobraachvotnica Maryja Zajcava31
Kamientary