U Hiermanii vydali aŭdyjaknihu «Zekamieron» Maksima Znaka pa-niamiecku
Pierad sioletnimi Kaladami Jevanhieličnaja carkva Hiermanii nahadała ludziam pra los bolš za paŭtary tysiačy palitviaźniaŭ, jakija niavinna znachodziacca ŭ turmach Biełarusi. Hetym razam Carkva spryčyniłasia da vychadu aŭdyjoknihi Maksima Znaka «Zekamieron» u pierakładzie na niamieckuju movu, jakuju načytaŭ akcior Bjarne Medel.
Pietra Bose-Chubier, vice-prezidentka carkoŭnaha kiraŭnictva i zamiežnaja jepiskapinia JECH, padkreśliła važnaść aŭdyjoknihi:
«Maksim Znak źjaŭlajecca adnym z kala paŭtary tysiačy palitźniavolenych u Biełarusi, usie ź jakich biaźvinna asudžanyja prosta tamu, što jany vystupili ŭ abaronu svabody, demakratyi i čałaviečaj hodnaści. Jak i šmatlikija inšyja viadomyja palitviaźni, Maksim Znak znachodzicca ŭ adzinočnaj kamiery. Z pačatku hoda niama źviestak pra jahonaje žyćcio.
Nichto nie viedaje, što ź im adbyvajecca zaraz — zastajecca tolki spadziavacca i malicca, što jon žyvy. Tym bolš važna, što jahonyja zapisy zmahli trapić da nas z turmy — i praz hetuju aŭdyjoknihu my možam pačuć jaho pasłańnie na ŭsio žyćcio».
Maksim Znak byŭ jurystam štaba pretendenta ŭ prezidenty Viktara Babaryki. Jaho zatrymali 9 vieraśnia 2020 hoda ŭ štabie kamandy Babaryki i praz hod razam z Maryjaj Kaleśnikavaj abvinavacili ŭ sprobie zachopu ŭłady, publičnych zaklikach da dziejańniaŭ, skiravanych na pryčynieńnie škody nacyjanalnaj biaśpiecy, i stvareńni ekstremisckaha farmavańnia — sudździa Siarhiej Jepichaŭ asudziŭ Maksima da 10 hadoŭ kałonii.
Ź lutaha 2023 hoda Maksim całkam pazbaŭleny suviazi sa źniešnim śvietam: ułady nie dapuskajuć da jaho advakataŭ, pazbavili jaho telefonnych zvankoŭ, spatkańniaŭ i listavańnia navat ź siamiejnikami.
Usie arhumienty ab nieabchodnaści zabiaśpiečvać pravy Znaka ŭładami praihnaravanyja, a skarhi — adchilenyja. Usich advakataŭ, jakija baranili Maksima, pazbavili prava pracavać.
Viarnuŭsia z vajny, uładkavaŭsia ŭ Varšavie, pasvaryŭsia z usimi — i źnik. Pryjacieli pra eks-kalinoŭca Maksima Ralko, jakoha zatrymali ŭ Biełarusi2020
Kamientary