Mody33

Što nadzieć na karparatyŭ. Ubory ad biełaruskich dyzajnieraŭ na luby hust i kašalok

Nabližajecca siezon karparatyŭnych viečarynak. Tamu nie adkładajcie pošuk idealnaha kaściuma na apošni momant, a skarystajciesia našaj stylnaj padborkaj. U joj vy znojdziecie vobrazy, jakija zrobiać vas sapraŭdnaj zorkaj ofisnaha śviata.

Spartyŭny kaścium u pajetki 

Bliskučy kaścium ad dyzajnierki Natasha Tsuran — śviežaja alternatyva kłasičnaj sukiency. Hety ŭbor možna nadzieć z krasoŭkami ci čaravikami na płoskim chodzie, tamu jon stanie vydatnym varyjantam dla tych, chto źbirajecca vyplasvać na tancpole abo płanuje zabrać usie pryzy ŭ konkursach.

Fota: instahram brendu

Darečy, štany z pajetkami vydatna ŭpišucca i ŭ paŭsiadzionny harderob: prosta dapoŭnicie ich hrubymi čaravikami i švedram aviersajz abo stvarycie vobraz z «mužčynskaj» kašulaj.

Skuranaja sukienka 

Sukienka ad «Elemy» koleru słanovaj kostki — jašče adno niadrennaje ŭkładańnie ŭ harderob. Na viečaryncy ŭbor z ekaskury budzie dobra hladziecca — adkryty vierch pieraniasie akcent na plečy, a šyroki pojas — padkreślić stan.

Fota: sajt brendu

Paśla śviataŭ takuju ​​sukienku možna nasić pad błuzki, kašuli i vadałazki.

Łazurnaja sukienka

Sukienku ad D.O.T.studio lohka adaptavać pad roznyja padziei: z tuflami na abcasie i modnymi aksiesuarami jana stanie ŭpryhažeńniem luboha śviata, a paśla jaho, z hrubymi čaravikami i abjomnym švedram, stvoryć jarki paŭsiadzionny łuk.

Fota: instahram brendu

Ubor śniežnaj karalevy 

Sukienka ad Olga Kucherenko – idealny ŭbor dla Śniežnaj karalevy: ad spałučeńnia mihatlivaj sietki i biełaj spadnicy z kvietkavym pryntam składana adarvać pohlad. Vybirajučy taki kreatyŭny łuk, pamiatajcie pra pačućcio miery: usio astatniaje — makijaž, pryčoska, aksiesuary — pavinna być strymanym.

Fota: instahram brendu

Maleńkaja čornaja sukienka 

Maleńkaja čornaja sukienka ad brendu MUA — biasprojhryšny varyjant. Razynačka — stylistyka 60-ch, jakaja nadaje vobrazu troški hullivaści. Taki ŭbor možna źmiksavać z tuflami i akcentnymi kałhotkami ci prosta z vysokimi botami. 

Fota: instahram brendu

Atłasny aŭtfit

Jašče adzin ubor dla amataraŭ hłybokaha čornaha. Atłasnaja sukienka ad dyzajnierki Julii Łatuškinaj z akcentnaj śpinkaj padkreślić postać i zrobić łuk tajamničym.

Fota: instahram brendu

Mihatlivy kaścium

Kažuć «Jak sustrenieš Novy hod — tak jaho i praviadzieš», tamu rekamiendujem adznačać śviaty raskošna — u bliskučaj dvojcy sa štanami. Harnitur ad Ksenia Kukhareva składajecca z kłasičnaha žakieta i štanoŭ-kloš.

Fota: instahram brendu

Darečy, hety fason budzie aktualnym jašče paru siezonaŭ — kali ŭ vas zapłanavana čarada śviataŭ, taki kamplekt śmieła možna brać.

Čyrvonaja sukienka 

Jarkaja sukienka ad Base.vi — najlepšy varyjant, kab skarać sercy, bo ŭbor naŭrad ci pakinie kahości abyjakavym. Ale, kab strymać hradus seksualnaści, nakińcie na plečy žakiet-aviersajz. Kali ŭ vašym harderobie takoha niama, zapazyčcie jaho ŭ bojfrenda albo ŭ chłopca-kalehi.

Fota: telehram-kanał brendu

Sietka ŭ zorački

Kab vyhladać na viečaryncy śvieža i cikava, nie abaviazkova nabyvać novy kamplekt adzieńnia — dosyć aśviažyć tyja łuki, jakija ŭ vas užo jość. Dla hetaha padydzie sietka ad JRSy Brest. Jaje možna nakinuć na aŭtfit sa štanami abo sukienku, a taksama nadzieć pad pinžak.

Fota: instahram brendu

Dadać nacyjanalnaha kałarytu

Maniška ad brenda TSUDA pieratvoryć luby kamplekt va ŭbor ź biełaruskim kałarytam. Nadzieńcie takuju ​​źvierchu sukienki ci kašuli, dadajcie masiŭnyja aksiesuary — i niezvyčajny łuk hatovy.

Fota: instahram brendu

Apošniaj rysaj da śviatočnaho vobrazu stanie adpaviadny makijaž. Voś jakija srodki ź bliskaŭkami prapanujuć biełaruskija vytvorcy kaśmietyki.

Kamientary3

  • Josik
    09.12.2023
    I ničoha dla mužčyn. Čyrvonaja sukienka tolki dla dziaŭčat ź vialikimi štučnymi cyckami.
  • Łuj
    10.12.2023
    Hałoŭnaje - heta pieraharnuć staronku
  • kisio
    10.12.2023
    abjava ŭ dziciačym sadku:

    Novyj hod!

    Źviezdočki.........Śniežinki
    1. Maša V.........1. Marharita
    2. Arina............2. Maša H.
    3. Alena............3. Daša
    4. Ania................4. Vieronika

    Malčiki vsie kłouny.

Siłaviki prosiać u biełarusaŭ za miažoj paviedamić svoj adras ci vysłać damovu arendy. Što viadoma?21

Siłaviki prosiać u biełarusaŭ za miažoj paviedamić svoj adras ci vysłać damovu arendy. Što viadoma?

Usie naviny →
Usie naviny

U časie bury mocna paciarpieli ptuški. Adziny ŭ krainie prytułak dla ich nie daje rady — jamu patrebnaja dapamoha

Ukrainskija ambicyi mieć F-16 raźbivajucca ab moŭny barjer, uźlotna-pasadačnyja pałosy i zapčastki — Bloomberg29

Cierciel zajaviŭ, što Ukraina adviała vojski ad biełaruskaj miažy jašče 3—4 lipienia1

«Au! Kudy vy źnikli?» Jak minčanka pierajhrała kvaternych afierystaŭ

Biez elektryčnaści zastajecca 851 nasieleny punkt Homielskaj vobłaści. U Mazyry niama śviatła, vady, nie pracujuć pradpryjemstvy

Jašče adna achviara niepahadzi: u Mahiloŭskim rajonie zahinuła 5-hadovaja dziaŭčynka

Na biełaruska-litoŭskaj miažy upieršyniu za doŭhi čas źjaviłasia čarha z aŭtobusaŭ1

Ryžankoŭ: Biełaruś hatova da dyjałohu z Polščaj pa situacyi na miažy20

U załatoj bucy na Jeŭra-2024 adrazu niekalki ŭładalnikaŭ

bolš čytanych navin
bolš łajkanych navin

Siłaviki prosiać u biełarusaŭ za miažoj paviedamić svoj adras ci vysłać damovu arendy. Što viadoma?21

Siłaviki prosiać u biełarusaŭ za miažoj paviedamić svoj adras ci vysłać damovu arendy. Što viadoma?

Hałoŭnaje
Usie naviny →