Viarchoŭny sud razhledzieŭ u apielacyjnym paradku kryminalnuju spravu ŭ dačynieńni da syna Viktara Babaryki — Eduarda.
Vyrak Minskaha abłasnoha suda ad 5 lipienia 2023 hoda pa ŭčynieńni złačynstvaŭ, praduhledžanych č. 2 art. 243, č. 6 art. 16 i č. 1 art. 342, č. 6 art. 16 i č. 3 art. 130 KK., u častcy pryznačeńnia pakarańnia pakinuty bieź źmieny, a apielacyjnaja skarha biez zadavalnieńnia. Prysud ustupiŭ u zakonnuju siłu, paviedamlaje Viarchoŭny sud u svaim telehram-kanale.
Eduard Babaryka ŭ mai 2020 hoda ŭznačaliŭ pieradvybarčy štab baćki, jaki zajaviŭ pra ŭdzieł u prezidenckaj kampanii.
18 červienia 2020 hoda jany byli aryštavanyja, kali vieźli sabranyja podpisy ŭ CVK.
6 lipienia 2021 hoda Viktara Babaryku asudzili na 14 hadoŭ kałonii ŭzmocnienaha režymu.
Eduard Babaryka try hady byŭ u SIZA. Zatym jamu byli vystaŭlenyja abvinavačvańni:
- art. 342 Kryminalnaha kodeksa — arhanizacyja i padrychtoŭka dziejańniaŭ, što hruba parušajuć hramadski paradak, albo aktyŭny ŭdzieł u ich;
- art. 243 Kryminalnaha kodeksa — uchileńnie ad vypłaty sum padatkaŭ, zboraŭ;
- art. 130 Kryminalnaha kodeksa — Raspalvańnie varožaści ci varažniečy.
Eduardu dali vosiem hadoŭ kałonii va ŭmovach uzmocnienaha režymu. Taksama jamu nie ŭličyli ŭ ahulny termin paŭtara hoda ŭtrymańnia pad vartaj.
«Na praciahu 30 hadoŭ niezaležnaści biełaruskamoŭnyja biuleteni zadavalniali ŭsich». Kamunisty abvinavacili Bondaravu ŭ raspalvańni varožaści na moŭnaj hlebie1616
Kamientary