U svaim domie ŭ štacie Džordžyja pamierła byłaja pieršaja łedzi Złučanych Štataŭ Razalin Karter — žonka 39-ha prezidenta ZŠA Džymi Kartera. Ëj było 96 hadoŭ.
Pra jaje śmierć paviedamiła 19 listapada niekamiercyjnaja arhanizacyja Karteraŭski centr. Raniej u hetym hodzie ŭ jaje dyjahnastavali demiencyju.
Razalin Karter ličyłasia najbližejšaj daradcaj svajho muža. U adroźnieńnie ad mnohich papiarednic, jana navat udzielničała va ŭradavych pasiadžeńniach.
«Razalin — moj najlepšy siabar, idealny praciah mianie, vierahodna, samy ŭpłyvovy čałaviek u maim žyćci», — kazaŭ Džymi Karter svaim pamočnikam.
Paśla taho, jak para Karteraŭ pakinuła Bieły dom, muž i žonka pryśviacili siabie humanitarnaj śfiery.
Samomu Džymi Karteru, jaki byŭ prezidentam ZŠA z 1977 da 1981 hoda, ciapier 99 hadoŭ. Jon rekardsmien pa daŭhalećci siarod amierykanskich lidaraŭ za ŭsiu historyju isnavańnia ZŠA.
U lutym hetaha hoda stała viadoma, što Karter admoviŭsia ad miedycynskaj dapamohi, kab pravieści reštu svaich dzion ź siamjoj, atrymlivajučy tolki palijatyŭnuju chośpisnuju dapamohu. U apošnija hady eks-prezident lačyŭsia ad niekalkich zachvorvańniaŭ, u pryvatnaści miełanomy.
Va Ukrainie zahinuła 24-hadovaja biełaruskaja dobraachvotnica Maryja Zajcava34
Kamientary