Aryštavali i aštrafavali za «ekstremizm» piaciarych studentaŭ homielskaha mieduniviersiteta
Piaciarych studentaŭ Homielskaha dziaržaŭnaha miedycynskaha ŭniviersiteta aryštavali i aštrafavali za «ekstremizm» u internecie, daviedałasia «Homielskaja viasna».
Suprać studentaŭ u RAUS Centralnaha rajona Homiela aformili administracyjnyja spravy pa častcy 2 artykuła 19.11 KaAP — «raspaŭsiudžvańnie, vyrab, zachoŭvańnie, pieravozka infarmacyjnaj pradukcyi, jakaja ŭtrymlivaje zakliki da ekstremisckaj dziejnaści albo prapahanduje takuju dziejnaść». Zatrymanych źmiaścili ŭ izalatar časovaha ŭtrymańnia da suda.
Pavodle administracyjnaj spravy, Mikałaj Vakulčyk, administratar internet-supołki ŭ sacsietcy, zachoŭvaŭ u hrupie «ekstremisckija materyjały», a Mikałaj Lin u hrupie ŭ miesiendžary «Ukantakcie» źmiaściŭ artykuł, praź jaki možna było pierajści na kanał z «ekstremisckimi materyjałami». Za heta jany byli padvierhnutyja aryštu na 15 sutak. Spravy razhladaŭ 20 kastryčnika sudździa suda Centralnaha rajona Homiela Siarhiej Karmanovič.
Taksama ŭ tym ža sudzie Centralnaha rajona Homiela byli vyniesienyja jašče dźvie pastanovy. Spravy razhladała sudździa Taćciana Vołkava. Pavodle jaje rašeńnia, Maksim Kačajła 20 kastryčnika byŭ aštrafavany za toje, što ŭ sacsietcy na svajoj ahulnadastupnaj staroncy raźmiaściŭ łahatyp, uklučany ŭ śpis «ekstremisckich materyjałaŭ», pa jakomu možna možna było pierajści na kanał z «ekstremisckimi materyjałami». Kirył Łukaševič, zhodna z materyjałami spravy, razhledžanaj 23 kastryčnika, toje samaje zrabiŭ u hrupie ŭ sacsietcy «Ukantakcie». Na ich nakładzienyja štrafy ŭ 20 bazavych vieličyń — 740 rubloŭ.
Maryna Ciuškievič, jak vynikaje z aformlenaj suprać jaje spravy, pierasyłała ŭ miesiendžary paviedamleńni z «ekstremisckich» internet-resursaŭ. Za heta 23 kastryčnika ŭ sudzie Homielskaha rajona jana padvierhłasia štrafu ŭ 10 bazavych vieličyń — 370 rub. Spravu razhladaŭ sudździa Andrej Susła.
Va Ukrainie zahinuła 24-hadovaja biełaruskaja dobraachvotnica Maryja Zajcava34
Kamientary