Hienprakuratura zaviała šerah kryminalnych spraŭ suprać Rady BNR, paviedamiŭ žurnalistam načalnik adździeła pa nahladzie za vykanańniem zakanadaŭstva ab dziaržaŭnaj biaśpiecy Valeryj Šulak, pieradaje BIEŁTA. Ciapier ustanaŭlivajuć usich datyčnych da arhanizacyi.
Kryminalnyja spravy, pavodle Hienprakuratury, nakiravany staršyni KDB dla arhanizacyi papiaredniaha rasśledavańnia, ustanaŭleńnia i pryciahnieńnia da adkaznaści ŭsich, chto maje dačynieńnie da dziejnaści nazvanaha farmavańnia asob (dzie b jany ni znachodzilisia: jak za miažoj, tak i na terytoryi Biełarusi).
Jak paviedamili ŭ Hienprakuratury, niahledziačy na toje, što Rada BNR sioleta ŭ lipieni rašeńniem Kamiteta dziaržaŭnaj biaśpieki Biełarusi pryznana ekstremisckim farmavańniem, pra što jaje kiraŭnikam i čalcam dakładna viadoma, svaju supraćpraŭnuju dziejnaść jany nie spynili, paviedamlaje BIEŁTA.
Pavodle Hienprakuratury, «kiraŭnictva Rady kaardynuje destruktyŭnyja namahańni ź inšymi ekstremisckimi arhanizacyjami, ustanaŭlivaje suviazi z uzbrojenymi strukturami, što dziejničajuć na terytoryi Ukrainy, u jakija ŭvachodziać hramadzianie Biełarusi».
Rada BNR u paviedamleńni Hienprakuratury nazvana «pranacysckim ekstremisckim farmavańniem», dziejnaść jakoha «zasnavana jak u minułym, tak i ciapier na admaŭleńni isnavańnia suvierennaj biełaruskaj dziaržavy».
«Kiraŭnik Rady BNR u pierakładzie ź biełaruskaj na rasijskuju i inšyja movy śvietu abviaščaje siabie «prezydentam», — piša Hienprakuratura.
Pavodle Hienprakuratury, dziejańni kiraŭnikoŭ i siabraŭ Rady BNR utrymlivajuć prykmiety nastupnych składaŭ złačynstvaŭ:
zmova ci inšyja dziejańni z metaj zachopu dziaržaŭnaj ułady (č. 1 art. 357 KK);
kiraŭnictva ekstremisckim farmavańniem, a taksama farmavańniem, dziejnaść jakoha nakiravana na reabilitacyju nacyzmu, albo ŭdziełu ŭ im (č. 1 art. 361-1 KK);
uciahvańnie ŭ ekstremisckuju dziejnaść i inšaje sadziejničańnie takoj dziejnaści, ździejśnienaje hrupaj asob (č. 2 art. 361-4 KK);
raspalvańnie nacyjanalnaj, relihijnaj albo inšaj sacyjalnaj varožaści abo varožaści, ździejśnienaje hrupaj asob (č. 1 art. 130 KK);
naŭmysnyja dziejańni pa reabilitacyi nacyzmu, učynienyja hrupaj asob (č. 3 art. 130-1);
padbuchtorvańnie da ŭdziełu hramadzian Respubliki Biełaruś na terytoryi zamiežnaj dziaržavy va ŭzbrojenym farmavańni adnaho z supraćlehłych bakoŭ, a taksama da ŭdziełu va ŭzbrojenym kanflikcie, vajennych dziejańniach biez upaŭnavažańnia dziaržavy (č. 5 art. 16, č. 1 art. 361-3 KK);
dyskredytacyja Respubliki Biełaruś (art. 369-1 KK).
Cichanoŭskaja: Pierapryznačeńnie Łukašenki nie maje nijakaha ŭpłyvu na maju dalejšuju pracu9
Kamientary