Ranicaj 20 vieraśnia zahareŭsia reziervuar z dyzielnym palivam kala adlerskaha aeraporta. Rasijskija telehram-kanały pišuć, što pierad pažaram čuli vybuch i što jaho pryčyna — dron-kamikadze.

Hubiernatar Krasnadarskaha kraju paviedamiŭ, što pažar užo patušany. Paciarpiełych niama.

Hetaj ža nočču rasijskija drony-kamikadze trapili ŭ naftapierapracoŭčy zavod u Kramienčuhu Pałtaŭskaj vobłaści.

Jak paviedamiŭ kiraŭnik abłasnoj administracyi Dźmitryj Łunin, na zavodzie adbyŭsia pažar. Pracu pradpryjemstva pryjšłosia časova spynić. Pavodle papiarednich źviestak, nichto nie paciarpieŭ. 

Pavodle infarmacyi Pavietranych sił USU, nočču armija RF atakavała Ukrainu niekalkimi hrupami «šachiedaŭ» — usiaho było kala 24 dronaŭ. 17 bieśpiłotnikaŭ atrymałasia źniščyć. Drony byli źbityja nad Sumskaj, Pałtaŭskaj, Kiravahradskaj i Dnieprapiatroŭskaj abłaściami.

Клас
6
Панылы сорам
0
Ха-ха
0
Ого
1
Сумна
1
Абуральна
3