Dziaržaŭny radyjokanał «Kultura» pakazaŭ niejrasietkavyja partrety «kłasikaŭ ajčynnaj litaratury». Pasprabujcie adšukać siarod ich biełarusaŭ
Telehram biełaruskamoŭnaha kanała «Kultura» Biełaruskaha radyjo padzialiŭsia padborkaj partretaŭ «kłasikaŭ ajčynnaj litaratury», zhienieravanych niejrasietkaj. Ale siarod ich spres ruskija piśmieńniki, nivodnaha ajčynnaha, biełaruskaha.
Siarod pradstaŭlenych — Alaksandr Puškin, Leŭ Tałstoj, Siarhiej Jasienin, Fiodar Dastajeŭski, Mikałaj Hohal, Uładzimir Majakoŭski, Ivan Kryłoŭ, Michaił Lermantaŭ, Anton Čechaŭ, Afanasij Fiet.
Ni Janki Kupły, ni Jakuba Kołasa, ni Maksima Bahdanoviča. Vyhladaje, što biełaruskaść pry łukašenkaŭskim režymie pieratvaryłasia ŭ farmalnaść pry poŭnym pahružeńni ŭ kulturu i naratyvy «ruskaha śvietu».
Biełarusy raniej rabili z dapamohaj niejrasietak partrety zasnavalnikaŭ BNR, damaloŭvali fotazdymki ź viadomymi dziejačami, ažyŭlali Kastusia Kalinoŭskaha i hienieryravali ilustracyi da tvoraŭ biełaruskich piśmieńnikaŭ. Ale ŭsie hetyja ekśpierymienty zastajucca byccam pa-za ŭvahaj dziaržaŭnych miedyja.
Adna ź vidavočnych pryčyn takoj situacyi — niaspynnyja represii ŭ krainie, kali «ekstremisckimi materyjałami» ciapier pryznanaje ŭsio biełaruskamoŭnaje, ad niezaležnych ŚMI da tvoraŭ piśmieńnikaŭ XIX stahodździa. U takich umovach, nie majučy ŭłasnych sił i zdolnaściej stvarać unikalny kantent, dziaržaŭnyja miedyja źviartajucca da rasijskaj alternatyvy, za jakuju dakładna nie pakarajuć.
«Naša Niva» — bastyjon biełaruščyny
PADTRYMAĆ«My dla ich — miasa». Palitviazień vyjšaŭ ź miełanomaj treciaj stadyi, jon uskładaje vinu na načalnicu sančaści i prymusovaje haleńnie hałavy3
Kamientary