Hramadstva

«Biełaruś sprabujuć źniščyć i rastaptać» — žonka Bialackaha 

Fiestyval Herenchimzee, tradycyja jakoha naličvaje 20 hadoŭ, źbiraje niamieckuju i jeŭrapiejskuju tvorčuju i palityčnuju elitu. Heta fiestyval jeŭrapiejskaj kłasičnaj muzyki ŭ histaryčnym pałacy karaloŭ Bavaryi na voziery Chimzee, dzie kaliści stvarałasia Fiederatyŭnaja Respublika Niamieččyny, piša «Svaboda». 

 Natalla Pinčuk. Fota: «Svaboda»

Apiakun festyvalu — hałava karaleŭskaha domu Franc hiercah Bavarski; mastacki dyrektar — znakamity amerykanski dyryhient Kient Nahana.

Znakavyja słovy sioletniaha festyvalu tryvožnyja — «Suśvietny rokat».

Kancepcyja maestra Nahana — kancerty składajucca ŭ eŭrapiejskuju kulturnuju i palityčnuju perspektyvu, a tamu ideja muzyčnaha vykazvańnia źviazanaja z kaštoŭnaściami svabody i demakratyi. I tamu festyval adkryvaje prahramnaja pramova eŭrapiejskaha śpikiera vysokaha ŭzroŭniu.

Takoj pramoŭcaj sioleta stała Natalla Pinčuk, žonka źniavolenaha Nobeleŭskaha laŭreata Alesia Bialackaha. U paŭhadzinnaj pramovie jana raskazała vysokim haściam pra Biełaruś i biełaruski narod, jaho miesca ŭ Eŭropie i prahu da svabody.

«Inter arma silent Musae, kali havoryć zbroja, maŭčać Muzy — heta pierafrazavany vyraz Cycerona, sam jon kazaŭ pra zakony.

Ale na našym kantynencie znoŭ raźviazanaja kryvavaja vajna, bačnaja i niabačnaja, i mienavita tamu i mižnarodnaje prava musić uzvysić svoj hołas, i muzy pavinny nie maŭčać, a zaklikać pamiatać, dziela čaho maje žyć čałaviek.

A vajna hrymić zusim niedaloka. Upeŭniena, što ŭsie prysutnyja tut dušoj adčuvajuć, jak važna spynić ahresiju Rasiei suprać svabodalubnaj Ukrainy i ŭvohule spynić nienažernyja dyktatury. Inačaj takija śviaty stanuć niemahčymymi», — zajaviła Pinčuk.

«Moj źniavoleny muž Aleś Bialacki — pravaabaronca, ale jak navukoviec jon litaraturaznaŭca. A ja historyk kultury. U mirny čas my b tut parazvažali pra kulturnuju łučnaść. Skažam, pra toje, što ŭ tvorčaści Ludviha van Betchovena byli biełaruskija narodnyja matyvy. Ich my, biełarusy, vyrazna čujem u 9-j symfonii Betchovena. Adkul jany?

Noty kampazytar atrymaŭ u padarunak ad rasiejskaha ambasadara pad nazvaj «Pieśni Sieviero-Zapadnoho kraja». Tak, «Paŭnočna-Zachodnim krajem» nazyvałasia Biełaruś u XIX stahodździ pad akupacyjaj Rasiejskaj imperyi, kab i namioku nie było na toje, što heta asobnaja kraina i admietny narod.

A siońnia ad imia Biełarusi sprabuje vystupać prarasiejski dyktatar Alaksandar Łukašenka, jaki biezalternatyŭna panuje ŭžo 29 hadoŭ. Heta jon daje zhodu na rasiejskuju jadziernuju zbroju ŭ Biełarusi i heta jon farmalna zaprašaje rasiejskich vajskoŭcaŭ. Jon niasie adkaznaść za toje, što ź biełaruskaj terytoryi lacieli rasiejskija bambaviki i rakiety, jakija źniščali mirnyja ŭkrainskija harady.

Ale jość inšaja Biełaruś — svabodnaja, adkrytaja, jakaja robić eŭrapiejski vybar. Toj narod, jaki ździviŭ śviet u 2020 hodzie, kali miljony biełarusaŭ pryniali ŭdzieł u mirnych pratestach suprać nachabna sfalsyfikavanych vybaraŭ.

Siońnia hetuju svabodnuju Biełaruś sprabujuć źniščyć i rastaptać», — skazała žonka palitźniavolenaha Bialackaha.

Kamientary

«U Biełaruś Kryhier zajechaŭ turystam». Źjavilisia novyja padrabiaznaści pra niemca, prysudžanaha da rasstrełu

«U Biełaruś Kryhier zajechaŭ turystam». Źjavilisia novyja padrabiaznaści pra niemca, prysudžanaha da rasstrełu

Usie naviny →
Usie naviny

Kašteli, ranety, piepinki: usio pra staryja biełaruskija sady i sarty. I dzie ich kupić4

Niekatorym žurnalistam ź Biełarusi zabaranili aśviatlać Alimpijadu3

Jakoha nadvorja čakać biełarusam na nastupnym tydni

Na BT zapuścili šou «Dobry viečar!» Hościa pieršaha vypusku — zorka rasijskaha šansona Vika Cyhanova20

Stryžak raskazaŭ, jak jaho vierbavali śpiecsłužby25

Izrail nanios udary pa Jemienie «paśla dzieviaci miesiacaŭ bieśpierapynnych napadaŭ»8

Zorka tyktoku Liza Vietrava zakryvaje svoj papularny błoh pra biełaruskuju movu19

«Budzie adbyvacca vymušany, ale ŭsio bolšy pavarot u bok Rasii». Sacyjołah pra ŭpłyŭ novych sankcyj na nastroi biełarusaŭ63

Redaktar hłybockaj rajonki napisaŭ pra śmiećcie ŭ horadzie, a paśla zrazumieŭ, što padyhryvaje «voraham»14

bolš čytanych navin
bolš łajkanych navin

«U Biełaruś Kryhier zajechaŭ turystam». Źjavilisia novyja padrabiaznaści pra niemca, prysudžanaha da rasstrełu

«U Biełaruś Kryhier zajechaŭ turystam». Źjavilisia novyja padrabiaznaści pra niemca, prysudžanaha da rasstrełu

Hałoŭnaje
Usie naviny →