Palitźniavoleny technik-prahramist Aleh Harmazinski adbyŭ termin i vyjšaŭ na volu
U kastryčniku 2021 hoda sudździa Alaksiej Krapačoŭ pryznačyŭ Alehu dva hady ŭ kałonii ahulnaha režymu za «abrazu Łukašenki» (art. 368 KK).
Aleh Harmazinski
Aleha Harazinskaha pryznali vinavatym u tym, što jon raźmiaściŭ u telehram-kanale niekalki paviedamleńniaŭ źniavažlivaha charaktaru, jakija ŭtrymlivali niehatyŭnuju acenku Łukašenki, piša «Viasna».
15 śniežnia 2022 hoda ŭ sudzie Staŭbcoŭskaha rajona adbyŭsia razhlad jašče adnoj spravy suprać Aleha. Mužčynu pryznali vinavatym u «abrazie pradstaŭnika ŭłady» (art. 369 KK) i pryznačyli dva hady źniavoleńnia, a taksama 1000 rubloŭ kampiensacyi «paciarpiełamu» milicyjantu. Pa sukupnaści spraŭ ahulny pryznačany termin nie źmianiŭsia.
Stała viadoma, što siońnia Aleh vyjšaŭ na volu, całkam adbyŭšy svoj termin.
Kamientary