Ukrainskaja raźviedka paraiła rasijanam nie chadzić na parad 9 Maja i trymacca dalej ad vajskovaj techniki
Ukrainskaje vydańnie «Obozrievatiel» apublikavała instrukcyju, nibyta składzienuju rasijskimi vajskoŭcami na vypadak vyjaŭleńnia starońniaha bieśpiłotnika padčas parada na Krasnaj płoščy. Ukrainskaja raźviedka dała svaje parady šarahovym rasijanam.
Pradstaŭnik Hałoŭnaha ŭpraŭleńnia vyviedki Ministerstva abarony Ukrainy Andrej Jusaŭ u kamientary žurnalistam zajaviŭ, što Kijeŭ vałodaje ŭsioj infarmacyjaj ab mierach biaśpieki, jakija rasijskija ŭłady prymajuć u suviazi z 9 Maja, uklučajučy miery biaśpieki, maršruty i rassadku achovy hałoŭnych vajennych złačyncaŭ RF.
«Dumaju, što šarahovym rasijanam, hramadzianskim, mirnym žycharam, jakija nie źviazanyja z vajskovymi złačyncami i ahresijaj Rasii suprać Ukrainy, varta ŭsie dni, jak, ułasna, i ŭsie budučyja, paźbiahać prysutnaści i znachodžańnia pobač z vajskovymi złačyncami i pobač z vajskovymi abjektami, jakija mohuć vykarystoŭvacca ŭ ahresii tak zvanaj Rasijskaj Fiederacyi suprać Ukrainy», — zajaviŭ pradstaŭnik vyviedki.
Napiaredadni «Obozrievatiel» apublikavaŭ nibyta rasijskuju instrukcyju na vypadak pavietranaha napadzieńnia 9 Maja.
Miarkujučy pa dakumientach, u paradzie ŭ Maskvie prymie ŭdzieł bolš za 40 rasijskich tankaŭ, siarod jakich dvanaccać T-72, dvanaccać T-80, dvanaccać T-90 i piać «Armat», a taksama dziesiać haŭbic, vosiem rakietnych kompleksaŭ «Iskander», vosiem ZRK «S-400» i kala sotni roznych BTRaŭ i bajavych mašyn.
Chto toj palitviazień ź Ivanava, jaki vypłaciŭ $600 tysiač kampiensacyi za danaty i ŭsio adno atrymaŭ vialiki termin?10
Chto toj palitviazień ź Ivanava, jaki vypłaciŭ $600 tysiač kampiensacyi za danaty i ŭsio adno atrymaŭ vialiki termin?
«Na praciahu 30 hadoŭ niezaležnaści biełaruskamoŭnyja biuleteni zadavalniali ŭsich». Kamunisty abvinavacili Bondaravu ŭ raspalvańni varožaści na moŭnaj hlebie1616
Kamientary