Украінская разведка параіла расіянам не хадзіць на парад 9 Мая і трымацца далей ад вайсковай тэхнікі
Украінскае выданне «Обозреватель» апублікавала інструкцыю, нібыта складзеную расійскімі вайскоўцамі на выпадак выяўлення старонняга беспілотніка падчас парада на Краснай плошчы. Украінская разведка дала свае парады шараговым расіянам.
Прадстаўнік Галоўнага ўпраўлення выведкі Міністэрства абароны Украіны Андрэй Юсаў у каментары журналістам заявіў, што Кіеў валодае ўсёй інфармацыяй аб мерах бяспекі, якія расійскія ўлады прымаюць у сувязі з 9 Мая, уключаючы меры бяспекі, маршруты і рассадку аховы галоўных ваенных злачынцаў РФ.
«Думаю, што шараговым расіянам, грамадзянскім, мірным жыхарам, якія не звязаныя з вайсковымі злачынцамі і агрэсіяй Расіі супраць Украіны, варта ўсе дні, як, уласна, і ўсе будучыя, пазбягаць прысутнасці і знаходжання побач з вайсковымі злачынцамі і побач з вайсковымі абʼектамі, якія могуць выкарыстоўвацца ў агрэсіі так званай Расійскай Федэрацыі супраць Украіны», — заявіў прадстаўнік выведкі.
Напярэдадні «Обозреватель» апублікаваў нібыта расійскую інструкцыю на выпадак паветранага нападзення 9 Мая.
Мяркуючы па дакументах, у парадзе ў Маскве прыме ўдзел больш за 40 расійскіх танкаў, сярод якіх дванаццаць Т-72, дванаццаць Т-80, дванаццаць Т-90 і пяць «Армат», а таксама дзесяць гаўбіц, восем ракетных комплексаў «Іскандэр», восем ЗРК «С-400» і каля сотні розных БТРаў і баявых машын.
Стала вядома, што за дамову ўчора падпісалі Лукашэнка з Пуціным23
Каментары