Sud nad Pratasievičam zrabili zakrytym. Pakul u pracesie pierapynak
7 krasavika ŭ 10.00 u Minskim abłasnym sudzie adnovicca słuchańnie hučnaj kryminalnaj spravy, pa jakoj troch byłych kiraŭnikoŭ viadomych internet-kanałaŭ abvinavačvajuć ledź nie ŭ tym, što stali pryčynaj masavych pratestaŭ u Biełarusi ŭ 2020 hodzie.
Ściapana Puciłu i Jana Rudzika sudziać zavočna, bo jany znachodziacca za miežami Biełarusi, i tolki Raman Pratasievič asabista prysutničaje na sudovych pasiadžeńniach.
Sud pa hetaj spravie pačaŭsia 16 lutaha ŭ adkrytym farmacie, było začytanaje abvinavačvańnie Pratasieviču, prajšoŭ jaho dopyt u sudzie, pačali začytvać materyjały spravy i dapytvać śviedak. Zatym častku spravy razhladali za začynienymi dźviaryma. Potym sud znoŭ zrabili adkrytym.
Paśla čaho zdaryŭsia pieraryŭ, bo Pratasievič zachvareŭ: prastuda pierajšła ŭ acit, piša «Narodnaja Vola»
Na 7 krasavika znoŭ pryznačanaje zakrytaje sudovaje pasiadžeńnie.
Raman Pratasievič prychodzić u sud z supravadžeńniem, ale heta nie tradycyjny kanvoj, a spartyŭnyja chłopcy ŭ zvyčajnym adzieńni. Tolki heta nie siabry i nie hrupa padtrymki. Bo Pratasievič znachodzicca pad chatnim aryštam. Na sudovych słuchańniach jon nie siadzić u kletcy, jon biez kajdankoŭ, ale nie volny.
Pratasieviču, Puciłu i Rudziku pradjaŭlenaje abvinavačvańnie pa bolš čym dziesiaci artykułach Kryminalnaha kodeksa. Akramia hetaha, Hienprakuraturaj Biełarusi ŭ intaresach dziaržavy zajaŭleny isk u pamiery bolš za 30 miljonaŭ rubloŭ.
Sam Raman Pratasievič jašče na pieršym sudovym pasiadžeńni zajaviŭ, što maralna i psichałahična hatovy da luboha rašeńnia suda. Jakim budzie hetaje sudovaje rašeńnie — zastajecca intryhaj, bo jon, jak kažuć, «inicyjatyŭna pakajaŭsia». Ale sprava ŭ tym, što jon pryznaŭ vinu ŭ tym liku pa abvinavačvańni va ŭdziele ŭ «zmovie z metaj zachopu ŭłady niekanstytucyjnym šlacham».
Na sudzie pa spravie Nexta dapytali błohiera Maksima Puškina
Pratasieviču, Puciłu i Rudziku inkryminujecca nie mienš za 1586 złačynstvaŭ
Chto toj palitviazień ź Ivanava, jaki vypłaciŭ $600 tysiač kampiensacyi za danaty i ŭsio adno atrymaŭ vialiki termin?3
Chto toj palitviazień ź Ivanava, jaki vypłaciŭ $600 tysiač kampiensacyi za danaty i ŭsio adno atrymaŭ vialiki termin?
«Na praciahu 30 hadoŭ niezaležnaści biełaruskamoŭnyja biuleteni zadavalniali ŭsich». Kamunisty abvinavacili Bondaravu ŭ raspalvańni varožaści na moŭnaj hlebie1616
Kamientary