Zdaroŭje22

Ludzi i ich chatnija hadavancy mohuć pieradavać adno adnamu supierbakteryi, jakija majuć ustojlivaść da lekaŭ

Varta ŭličvać hetuju ryzyku pry blizkim kantakcie sa svojskimi žyviołami, bo jany prynosiać u dom bolš mikrobaŭ, čym vy dumajecie.

dog

Navukoŭcy vyśvietlili, što ludzi i ich chatnija hadavancy zdolnyja pieradavać ustojlivyja da lekaŭ supierbakteryi, jakija mohuć vyklikać zachvorvańni roznaj stupieni ciažkaści. Pra heta 21 sakavika paviedamiła vydańnie New York Post sa spasyłkaj na novaje daśledavańnie, jakoje budzie aficyjna pradstaŭlena ŭžo ŭ nastupnym miesiacy.

U daśledavańni, jakoje 15 krasavika hetaha hoda budzie ahučana na Jeŭrapiejskim kanhresie kliničnaj mikrabijałohii i infiekcyjnych zachvorvańniaŭ u Kapienhahienie, adznačajecca, što byli zafiksavanyja vypadki pieradačy supiermikrobaŭ ad žyvioł da čałavieka.

Daśledčyki vyvučyli amal 3000 pacyjentaŭ balnicy Šaryte ŭ Bierlinie. U ich brali mazki z nosa i pramoj kiški. Taksama mazki na analiz brali ŭ sabak i katoŭ, jakija žyli razam z pacyjentami. Ludziej apytvali nakont kolkaści svojskich žyvioł i nakolki ciesna jany ź imi kantaktujuć.

Navukoŭcy šukali najbolš raspaŭsiudžanyja supierbakteryi (naprykład, Enterococci, Staphylococcus aureus i Enterobacterales), jakija majuć ustojlivaść da mnostva antybijotykaŭ: mietycylinu, vankamicynu, cefałasparynu i inš.

«Vyśvietliłasia, što ŭ 30% udzielnikaŭ byŭ stanoŭčy vynik na takija vidy bakteryj. Siarod ich 11% — uładalniki sabak i 9% mieli doma kata. Taksama analizy pakazali, što ŭ 15% abśledavanych sabak i 5% abśledavanych katoŭ — stanoŭčy vynik jak minimum na adnu supierbakteryju i tolki ŭ čatyroch vypadkach z usich supierbakteryja chatniaha hadavanca była takoha ž vidu, jak i ŭ ich haspadaroŭ.

Naprykład, u adnaho mužčyny i jahonaha sabaki byli vyjaŭlenyja hienietyčna identyčnyja kišečnyja pałački 3GCR, jakija sustrakajucca jak u ludziej, tak i ŭ žyvioł», — piša New York Post sa spasyłkaj na daśledavańnie.

Pry hetym navukoŭcy adznačajuć, što było vyjaŭlena tolki niekalki takich vypadkaŭ, tamu možna mierkavać, što ŭvohule najaŭnaść peŭnaha vidu bakteryi ŭ katoŭ i sabak usio ž taki nie jość harantyjaj pieradačy čałavieku niebiaśpiečnych supierbakteryj. 

Ale varta taksama ŭličvać, što bolš za ŭsio ŭ takim vypadku ryzykujuć mienavita ludzi sa słabaj imunnaj sistemaj, bo heta moža vyklikać u ich zachvorvańni roznaj stupieni ciažkaści. 

Nahadajem, što supierbakteryi zvyčajna ŭźnikajuć z pryčyny častaha lačeńnia antybijotykami, da jakich u bakteryj z časam vypracoŭvajecca ŭstojlivaść. Kožny hod z-za takich bakteryj va ŭsim śviecie pamiraje ad niekalkich sotniaŭ tysiač da niekalkich miljonaŭ čałaviek.

Kamientary2

  • Hijom Pietrovič
    31.03.2023
    Łuchta. Ludzi mohut pieradavać, žyvioły mohuć, a adkul i ludzi, i žyvioły ich atrymlivajuć, kab pieradavać adno adnamu?
  • Maksim Dizajnier
    01.04.2023
    Tak. Stolko baktierij i toksinov, skolko pieriedajut ludi na koptiaŝich tazach v čas, ni odin hadavaniec v hod nie pieriedast.

Uładzimir Karatkievič. Jak jamu ŭdałosia zastacca niesavieckim i nie skurvicca? Jon doraha zapłaciŭ16

Uładzimir Karatkievič. Jak jamu ŭdałosia zastacca niesavieckim i nie skurvicca? Jon doraha zapłaciŭ

Usie naviny →
Usie naviny

Kitaj pastaŭlaje Biełarusi detali dla zbroi suprać Ukrainy 6

Padazravany ŭ padryvie aŭtamabila z rasijskim HRUšnikam paśpieŭ vylecieć z Maskvy ŭ Turcyju2

«Rasija łže nakont ekanamičnaha rostu. Sankcyi pracujuć, ich treba ŭzmacnić» — ministry finansaŭ ES20

Hałoŭnaja zorka zbornaj Ukrainy pierachodzić u ispanski top-kłub

Šef-kuchar. Što viadoma pra rasijanina, aryštavanaha ŭ Francyi za padrychtoŭku čahości žachlivaha padčas Alimpijady4

Rasijskija aktyvisty paskardzilisia patryjarchu Kiryłu na Vienijamina — jon nie molicca za pieramohu6

Hałoŭnakamandujučy USU raskazaŭ pra pieravahu Rasii ŭ technicy i akreśliŭ, što rabić ukraincam3

Łukašenka paprasiŭ nie nazyvać jaho haspadzinam16

Hałoŭnakamandučy USU: Va Ukrainy jość płan viartańnia Kryma, i heta realistyčna4

bolš čytanych navin
bolš łajkanych navin

Uładzimir Karatkievič. Jak jamu ŭdałosia zastacca niesavieckim i nie skurvicca? Jon doraha zapłaciŭ16

Uładzimir Karatkievič. Jak jamu ŭdałosia zastacca niesavieckim i nie skurvicca? Jon doraha zapłaciŭ

Hałoŭnaje
Usie naviny →