Padryŭ rasijskaha samalota na aeradromie ŭ Mačuliščach ažyćciavili biełarusy — Azaraŭ
Kiraŭnik Bypol Alaksandr Azaraŭ paćvierdziŭ «Našaj Nivie», što da dyviersii na aeradromie ŭ Mačuliščach datyčnyja biełaruskija padpolščyki.
Raniej «Bajpoł» paviedamiŭ, što vielmi kaštoŭny rasijski samalot dalniaj raźviedki samalot DRŁV A-50 byŭ padarvany ŭ dvuch miescach. U vyniku dvuch vybuchaŭ paciarpieli piaredniaja i centralnaja častki samalota, paškodžanaja avijonika i radyjołakacyjnaja antena.
Usiaho takich samalotaŭ u Rasii, sapraŭdnych i niaspraŭnych, dzieviać. DRŁV A-50 vykarystoŭvaŭsia dla naviadzieńnia rasijskich rakiet na celi va Ukrainie.
Nahadajem, rankam kala 9-j ranicy na aeradromie «Mačuliščy» byli čutnyja dva vybuchi. Paśla hetaha tam nazirajecca aktyŭnaść siłavikoŭ. Aŭtamabilistaŭ u vakolicach spyniali, kab pravieryć. Mačuliščy niejki čas patrulavaŭ viertalot.
Zdareńnie paćvierdziŭ i rasijski vajenkar i prapahandyst Siamion Piehaŭ (WarGonzo).
«Chutčej za ŭsio havorka idzie ab napadach bieśpiłotnikaŭ na vajennuju infrastrukturu, na jakoj mohuć być razhornutyja ŭ tym liku abjekty rasijskich PKS. Krynicy paraŭnoŭvajuć hetuju ataku ź incydentami ŭ Saratavie», — zajaŭlaje jon.
A-50 — heta vielmi kaštoŭny samalot, jon ažyćciaŭlaje dalniuju raźviedku. Usiaho, spraŭnych i niaspraŭnych, takich samalotaŭ u Rasii dzieviać. Košt adnaho takoha samalota — 330 miljonaŭ dalaraŭ.
Kali vy viedajecie bolš pra toje, što zdaryłasia na aeradromie Mačuliščy, jaki vykarystoŭvajuć rasijskija vojski, pišycie redaktaru «Našaj Nivy» ŭ telehram, na [email protected] ci [email protected].
Albo pišycie asabista tym žurnalistam i redaktaram «Našaj Nivy», jakich vy viedajecie i jakim daviarajecie (lepš — u sihnał ci telehram).
Čytajcie padrabiaźniej:
«Bajpoł»: Samalot DRŁV A-50 byŭ padarvany ŭ dvuch miescach, jany pakazanyja na fota
Hajun: Na aeradromie Mačuliščy moh być paškodžany miehakaštoŭny rasijski samalot A-50. Z čata Mačuliščaŭ vydalili ŭsie paviedamleńni
Kubrakoŭ davodziŭ, što milicyjant Zhirski nie datyčny da bandy nalotčykaŭ. Ciapier taho sudziać — pahražaje da 20 hadoŭ3
Kamientary