U Saudaŭskaj Aravii paśla pieramohi nad Arhiencinaj abjavili vychadny dzień
U Saudaŭskaj Aravii sieradu, 23 listapada, zrabili vychadnym dniom. Pryčyna — pieramoha zbornaj hetaj krainy na čempijanacie śvietu pa futbole nad adnym z favarytaŭ hetych spabornictvaŭ, zbornaj Arhienciny.
Adznačyć pieramohu nacyjanalnaj kamandy dadatkovym vychadnym dla ŭsich hramadzian prapanavaŭ naśledny prync i kiraŭnik urada hetaj krainy Muchamied bien Sałman, a karol prapanovu padtrymaŭ, paviedamlaje Al Arabiya sa spasyłkaj na dziaržaŭnaje ahienctva SPA.
U hety dzień u krainie nie buduć pracavać jak usie kampanii i dziaržustanovy, tak i navučalnyja ŭstanovy.
Kamanda z Saudaŭskaj Aravii, vyjhraŭšy siońnia ź likam 2:1, siensacyjna spyniła biasprojhryšnuju sieryju Arhienciny ŭ matčach čempijanatu śvietu, jakaja raściahnułasia na 36 matčaŭ. Kamandzie z Paŭdniovaj Amieryki nie chapiła ŭsiaho adnaho matča, kab dabracca da rekordnaha vyniku zbornaj Italii, na rachunku jakoj 37 biasprojhryšnych hulniaŭ.
Čytajcie padrabiaźniej:
Siensacyja: Saudaŭskaja Aravija pieramahła Arhiencinu
Chto toj palitviazień ź Ivanava, jaki vypłaciŭ $600 tysiač kampiensacyi za danaty i ŭsio adno atrymaŭ vialiki termin?10
Chto toj palitviazień ź Ivanava, jaki vypłaciŭ $600 tysiač kampiensacyi za danaty i ŭsio adno atrymaŭ vialiki termin?
«Na praciahu 30 hadoŭ niezaležnaści biełaruskamoŭnyja biuleteni zadavalniali ŭsich». Kamunisty abvinavacili Bondaravu ŭ raspalvańni varožaści na moŭnaj hlebie1616
Kamientary