Dziejańnie filma, jaki ciapier zdymajuć u Hrodnie, razhortvajecca ŭ 1989-1990 hady, kali ŭ SSSR poŭnym chodam išoŭ praces pierabudovy. Jak paviedamlaje «Viečiernij Hrodno», rasijski 12-sieryjny histaryčny detektyŭ pad pracoŭnaj nazvaj «HDR» zasnavany na realnych padziejach.
«Jak adznačajuć stvaralniki karciny, u joj vyrazna pakazana, jak padziei pierabudovy pryvodziać da niezvarotnych nastupstvaŭ, uklučajučy razvał Savieckaha Sajuza», — havorycca ŭ paviedamleńni.
Pa siužecie hałoŭny hieroj, raźviedčyk Alaksandr Niačajeŭ, apynuŭsia ŭ centry apieracyi, arhanizavanaj śpiecsłužbami niekalkich krain. Za miesiacy, praviedzienyja ŭ Bierlinie ŭ momant złomu ŭsioj kamunistyčnaj sistemy, Niačajeŭ mocna mianiajecca. Jon užo nie viedaje, chto siabar, a chto zdradnik, ale «praciahvaje adstojvać honar i intaresy svajoj Radzimy».
Vytvorčaściu kinakarciny zajmajecca AT «Suśvietnyja ruskija studyi» pry ŭdziele telekampanii NTV, anłajn-kinateatra Wink i «NMH studyi».
Zdymačnaja placoŭka razharnułasia ŭ centry Hrodna. Na ŭčastku vulicy Ažeška ad abłvykankama da ZAHSa źjavilisia dekaracyi časoŭ HDR. Tut ustalavali telefonnyja budki, hazietnyja kijoski, źmianili šyldy i pryhnali niamieckija aŭto.
Takarčuk: Moža, za Jahorava prahałasavać, jaki budzie Łukašenku nohi całavać? Jazyki paadryvać by hetym hałasunam4
Kamientary