U ZŠA jość intares da supracoŭnictva ź Biełaruśsiu, ale jano abaviazkova pavinna ažyćciaŭlacca z ulikam intaresaŭ biełaruskaj dziaržavy. Pra heta Alaksandr Łukašenka zajaviŭ 17 studzienia na naradzie pa pytańniach źniešniehandlovaj dziejnaści ŭ 2025 hodzie, u jakoj brali ŭdzieł siłaviki, piša BiełTA.

Jon adznačyŭ, što Biełaruś raźvivaje ekanamičnyja adnosiny hałoŭnym čynam z krainami ŭschodniaha kirunku. Ale na Zachadzie taksama jość dziełavyja koły, zacikaŭlenyja ŭ supracoŭnictvie z našaj krainaj.
«U ZŠA ŭ ich jość intares da našaj dziaržavy. Pačakajem. My viadziom ź imi dyjałoh, pieramovy z Zachadam pa cikavych dla nas napramkach. Damovimsia — budziem supracoŭničać. Ale ŭ asnovie pavinny lažać našy intaresy, našaj dziaržavy, i pryjarytety, jakija my vyznačyli», — padkreśliŭ Alaksandr Łukašenka.

Kamientary