Karpienka zajaviŭ, što ŭčastkaŭ dla hałasavańnia za miažoj bolš nie budzie, i aryhinalna patłumačyŭ pryčyny
Staršynia Centralnaj vybarčaj kamisii Ihar Karpienka raskazaŭ pra niekatoryja źmieny ŭ Vybarčy kodeks. Adna ź ich — admova ad učastkaŭ dla hałasavańnia za miažoj.
«U prajekt zakona zakładzieny normy, jakija adlustroŭvajuć vopyt praviadzieńnia elektaralnych kampanij. Tak, nie buduć utvaracca ŭčastki dla hałasavańnia za miažoj, što źviazana z najaŭnym admoŭnym vopytam praviadzieńnia vybarčych kampanij pa pryčynie niespryjalnaj epidemijałahičnaj abstanoŭki, adsutnaści nieabchodnych umoŭ dla biaśpieki rabotnikaŭ zamiežnych ustanoŭ i hramadzian, skaračeńnia kolkaści rabotnikaŭ dypłamatyčnych słužbaŭ», — patłumačyŭ jon BiełTA.
Dahetul Karpienka raskazvaŭ, što prapanujecca admianić paroh jaŭki na vybarach deputataŭ.
«Naprykład, na miascovych savietach u nas niama paroha jaŭki vybarščykaŭ. Heta značyć kolki pryjšło na vybarčyja ŭčastki, ad hetaj kolkaści abrali deputataŭ. Na parłamienckich vybarach paroh jaŭki jość. Voś my prapanujem hety paroh jaŭki źniać. Heta značyć zraŭnavać hetyja ŭsie vybary dla taho, kab i kamisijam było praściej pracavać, i subjektam, jakija arhanizujuć usiu hetuju dziejnaść», — kamientavaŭ staršynia CVK.
Va Ukrainie zahinuła 24-hadovaja biełaruskaja dobraachvotnica Maryja Zajcava31
Kamientary