Za studzień-vierasień 2022 hoda VUP Biełarusi skłaŭ 140,2 młrd rubloŭ. U paraŭnańni z anałahičnym pieryjadam 2021-ha jon źniziŭsia na 4,7%, paviedamlaje Biełstat. Indeks-deflatar skłaŭ 117,2%.
Pry hetym vytvorčaść sielhaspradukcyi va ŭsich katehoryjach haspadarak za try kvartały pavialičyłasia na 4,9% — da 23,9 młrd rubloŭ. Pryrost u sielhasarhanizacyjach skłaŭ 5,2% — da 19,6 młrd rubloŭ.
A voś vytvorčaść pramysłovaj pradukcyi za studzień-vierasień skaraciłasia na 6,1% — da 123,8 młrd rubloŭ. Pryrost byŭ tolki ŭ hornazdabyŭnoj pramysłovaści: tam vytvorčaść pavialičyłasia na 2,35%. A ŭ apracoŭčaj skaraciłasia — na 7,1%.
Najbolšaje padzieńnie vytvorčaści ŭ pramysłovaści fiksujecca ŭ Minskaj vobłaści — na 5,4%.
Raniej Mižnarodny valutny fond na svaim sajcie apublikavaŭ dakład «Pierśpiektyvy raźvićcia suśvietnaj ekanomiki». Ekanamisty prahnazujuć, što pry roście VUP Biełarusi letaś na 2,3% sioleta jon pojdzie ŭniz — minus 7%. U nastupnym hodzie mahčymy rost — na 0,2%.
Va Ukrainie zahinuła 24-hadovaja biełaruskaja dobraachvotnica Maryja Zajcava29
Kamientary