Valeryj Kavaleŭski raskazaŭ padrabiaznaści taho, jak vyrašyłasia sprava Anisii Kaźluk
Pradstaŭnik Śviatłany Cichanoŭskaj u Kijevie Valeryj Kavaleŭski raskazaŭ pra toje, jakim čynam udałosia vyrašyć siońniašni incydent z zatrymańniem u Kijevie pravabaroncy Anisii Kaźluk. Historyja, pa jaho słovach, prykraja i niepryjemnaja, ale moža stać važnym precedentam dla taho, kab nie dapuścić padobnych situacyj ź biełarusami ŭ budučyni.
Adrazu ž paśla taho, jak daviedaŭsia pra situacyju, Valeryj Kavaleŭski źviarnuŭsia ŭ MUS, DMS i da staršyni kamiteta pa pravach čałavieka Viarchoŭnaj Rady Dźmitryja Łubianca. Toj zapeŭniŭ, što Anisiju nichto vysyłać z Ukrainy nie budzie, štamp u pašpart nie pastaviać, aformiać administracyjny pratakoł i simvaličny štraf. Tak i atrymałasia.
Ciapier dla Anisii Kaźluk budzie adkrytaja pracedura dla adnaŭleńnia jaje lehalnaha statusu va Ukrainie. Heta ž budzie zroblena i dla ŭsich inšych biełarusaŭ Ukrainy.
Valeryj Kavaleŭski ŭvieś hety čas byŭ na suviazi z Anisijaj. Jon davioŭ da jaje ałharytm vyrašeńnia prablemy. Heta dapamahło razabracca ź situacyjaj u pastarunku, bo z Anisijaj razmaŭlali nie vielmi karektna. Ciapier biełarusku adpuścili.
Historyja prykraja i niepryjemnaja, ale moža stać važnym precedentam dla taho, kab nie dapuścić padobnych situacyj ź biełarusami ŭ budučyni, śćviardžaje Valeryj Kavaleŭski.
Čytajcie taksama:
U Kijevie zatrymali biełaruskuju pravaabaroncu Anisiju Kaźluk. Čym skončyłasia historyja?
Va Ukrainie zahinuła 24-hadovaja biełaruskaja dobraachvotnica Maryja Zajcava20
Kamientary