Što takoje ORDŁO i ŭ čym roźnica pamiž BTHr i BTR? Hajd pa terminach i abrevijaturach vajny va Ukrainie
Tłumačalny słoŭnik siońniašniaha trahičnaha času.
Russkij mir — aksiumaran.
ZSU (ukr)/ USU (bieł)/ VSU (rus) — Uzbrojenyja siły Ukrainy.
VR — Viarchoŭnaja Rada Ukrainy.
MO (ukr, rus) — Ministerstva abarony.
VMS — Vajenna-marskija siły.
Nachvardyja — ukrainskaje vajskovaje farmavańnie, jakoje ŭvachodzić u sistemu MUS, ale bolš vajenizavanaje, čym palicyja. Maje prava vykarystoŭvać vajskovuju techniku i zbroju.
RNBO (ukr)/ SNBO (rus) — Rada nacyjanalnaj biaśpieki i abarony Ukrainy, kaardynacyjny orhan pry prezidencie pa pytańniach nacyjanalnaj biaśpieki i abarony.
ORDŁO (ukr, rus)— «Okriemi rajoni Doniećkoji ta Łuhanśkoji obłastiej» albo «Otdielnyje rajony Donieckoj i Łuhanskoj obłastiej». Tak va Ukrainie nazyvajuć terytoryi samaabvieščanych DNR i ŁNR. Taksama ŭ dačynieńni da DNR i ŁNR ukraincy ŭžyvajuć vyraz «časova akupavanyja terytoryi».
DAP — skaračeńnie ad «Daniecki aeraport im. Prakofjeva», u 2014-2015 hadach za aeraport išli žorstkija bai pamiž ukrainskimi vajskoŭcami i prarasijskimi vojskami. Ukrainskich vajskoŭcaŭ —abaroncaŭ aeraporta paśla pačali nazyvać «kibarhami».
Mienavita «Azoŭ» siońnia abaraniaje Maryupal, jaki mietadyčna rujnujuć rasijskija vojski.
ODA (ukr), OHA ( rus) — abłasnaja dziaržaŭnaja administracyja. Časam dadajecca pieršaja litara vobłaści, naprykład CHODA — heta Charkaŭskaja abłasnaja dziaržaŭnaja administracyja.
RDA (ukr), RHA (rus) — rajonnaja dziaržaŭnaja administracyja
Nardep — narodny deputat Ukrainy.
DSNS (ukr)/ HSČS (rus) — Dziaržaŭnaja słužba pa nadzvyčajnych situacyjach Ukrainy, praściej kažučy, ratavalniki.
KORD (ukr) — korpus apieratyŭna-raptoŭnaha dziejańnia, padraździaleńnie asablivaha pryznačeńnia ŭ Nacyjanalnaj palicyi Ukrainy.
OPZŽ (ukr, rus) — prarasijskaja partyja va Ukrainie pad nazvaj «Apazicyjnaja płatforma — za žyćcio». Adzin ź lidaraŭ — Viktar Miedźviadčuk, toj samy kum Pucina.
Orki (ukr, rus) — tak ukraincy pahardliva nazyvajuć rasijskich sałdat.
Rasijskija sałdaty ŭ pałonie
Rashvardyja — rasijski anałah ukrainskaj Nachvardyi. Da vajny šyroka vykarystoŭvałasia rasijskaj uładaj dla razhonu mitynhaŭ.
DRH (ukr, rus) — dyviersijna-raźviedvalnaja hrupa. Zvyčajna nievialikaje padraździaleńnie śpiecyjalnaha pryznačeńnia, jakoje vykarystoŭvajecca dla raźviedki i dyviersij u tyle praciŭnika.
DŠV i DŠB (rus) — desantna-šturmavyja vojski. DŠB — desantna-šturmavaja bryhada, padraździaleńnie pavietrana-desantnych vojskaŭ, jakoje śpiecyjalizujecca na šturmavych zachopach.
BBM — bajavaja braniravanaja mašyna.
BMP — bajavaja mašyna piechoty, pryznačanaja dla pieravozki desanta i ahniavoj padtrymki jaho ŭ bai.
BTR — bronietransparcior, bajavaja mašyna, pryznačanaja dla transparciroŭki piechoty. Maje słabiejšaje ŭzbrajeńnie ŭ paraŭnańni z BMP.
MTŁB (rus) — šmatmetavy płavajučy bronietransparcior. Moža pieravozić ludziej i hruzy, vykarystoŭvacca ŭ roli artyleryjskaha ciahača.
PPO (ukr)/ PVO (rus) — supraćpavietranaja abarona (SPA).
BpŁA (ukr, rus) — bieśpiłotnyja aparaty, albo drony. Lehiendarnyja «Bajraktary» ŭ tym liku.
PTRK (ukr, rus) — supraćtankavy rakietny kompleks (STRK).
Ka-52 — bajavy viertalot rasijskaj vytvorčaści.
An-225 «Mrija» — samy vialiki ŭ śviecie transpartny samalot.
Źniščanaja «Mrija»
Su-25, Su-30, Su-34, Su-35 — bajavyja samaloty.
PMM (ukr)/ HSM (rus) — haruča-zmazačnyja materyjały, u tym liku paliva.
«Bajraktar» — bieśpiłotnik tureckaj vytvorčaści, vykarystoŭvajecca ŭkrainskimi vojskami suprać rasijskich akupantaŭ. «Bajraktar» ciažka adsačyć, jon moža znachodzicca ŭ pavietry amal sutki, niasie avijabomby ci supraćtankavyja rakiety.
Dron-kamikadze — adnarazovy bieśpiłotnik z zaradam vybuchoŭki. Faktyčna heta bomba, abstalavanaja kamierami i sistemaj naviadzieńnia. Niekatoryja takija drony možna prahramavać na samastojnuju ataku abjektaŭ.
«Javelin»/«Džavielin» — amierykanski pieranosny supraćtankavy kompleks.
Stralba z «Džavielina». Fota: wikipedia.org
«Stuhna» — ukrainskaja supraćtankavaja rakietnaja sistema.
«Patriot»/ «Petryjot» — zienitna-rakietny kompleks amierykanskaj vytvorčaści, vykarystoŭvajecca ŭ pavietranaj i supraćrakietnaj abaronie.
«Hrad» — rasijskaja reaktyŭnaja sistema załpavaha ahniu na bazie šasi hruzavika, była raspracavanaja jašče ŭ SSSR.
RSZA «Hrad». Fota: Juryja Kučynskaha
«Iskander» — rasijski apieratyŭna-taktyčny rakietny kompleks. Asnoŭnyja zadačy — źniščeńnie sistem supraćpavietranaj i supraćrakietnaj abarony, źniščeńnie stratehičnych abjektaŭ, karabloŭ. Dalokaść dziejańnia — da 500 kiłamietraŭ.
«Kalibr» — rasijskaja kryłataja rakieta.
«Ihła» — saviecki i rasijski pieranosny zienitny rakietny kompleks.
POM-3/ Mina POM-3 «Miedaljon» — mina ź siejśmičnym datčykam, kali datčyk fiksuje kroki pobač, mina padskokvaje na vyšyniu kala mietra i vybuchaje.
TOS «Buratino» (rus) — ciažkaja ahniamiotnaja sistema załpavaha ahniu kalibru 220-mm na bazie tanka T-72.
TOS-1A «Sołnciepiok» (rus) — madyfikacyja ciažkaj ahniamiotnaj sistemy «Buracina».
Kolki nasamreč ciahnucca pracoŭnyja pajezdki Łukašenki? Cikavyja ličby17
Kamientary