Siońnia ŭ domie pa vulicy Napaleona Ordy, što ŭ staličnym mikrarajonie Malinaŭka, zdaryŭsia pažar. Zahareŭsia bałkon na 14-m paviersie 19-paviarchovaha doma.
U MNS raskazali padrabiaznaści vyratavalnaj apieracyi.
Pažarnyja Alaksandr Ksiančuk i Hieorhij Karačun z trochpakajovaj kvatery pry dapamozie masak vyratavali haspadara i jaho žonku (abodva hłuchaniamyja).
Mocnaje zadymleńnie stvarała pahrozu žyćciu žycharam kvater na 19-m paviersie. Pažarnyja Pavieł Lepieš i Andrej Doŭkiešaŭ taksama pry dapamozie masak vyratavali piensijanierku i jaje vaśmi- i šaścihadovaha ŭnukaŭ, a taksama z susiedniaj kvatery 34-hadovuju žančynu i šaścihadovaje dzicia-invalida.
Pažar likvidavany ŭ 09.20 (infarmacyja pra jaho pastupiła ŭ 8.58).
U vyniku zdareńnia paškodžana majomaść na bałkonie, ahoń u kvateru nie trapiŭ. Taksama zakurany žyły pakoj kvatery, šyby i bałkonnaja rama kvatery paviercham vyšej.
Pryčyna pažaru vyśviatlajecca, mahčyma heta byŭ niedakurak, kinuty z vyšejšych pavierchaŭ.
Chto toj palitviazień ź Ivanava, jaki vypłaciŭ $600 tysiač kampiensacyi za danaty i ŭsio adno atrymaŭ vialiki termin?12
Chto toj palitviazień ź Ivanava, jaki vypłaciŭ $600 tysiač kampiensacyi za danaty i ŭsio adno atrymaŭ vialiki termin?
«Na praciahu 30 hadoŭ niezaležnaści biełaruskamoŭnyja biuleteni zadavalniali ŭsich». Kamunisty abvinavacili Bondaravu ŭ raspalvańni varožaści na moŭnaj hlebie1616
Kamientary