U Pieciarburhu zatrymali ŭsich udzielnikaŭ pikieta la pasolstva Biełarusi
Biełarusy Sankt-Pieciarburha vyjšli ŭ 140-y raz da adździaleńnia pasolstva Biełarusi ź pikietam.
Niahledziačy na toje što jany byli bieź ściahoŭ, usich zatrymali. Usiaho — 14 čałaviek.
Siarod zatrymanych taksama karespandent «Sieviero-Zapad. MbCh miedija» Stanisłaŭ Savončyk i žurnalist «Sievier.Riealii» Michaił Hračoŭ.
Palicejskija zajavili, što zatrymlivajuć udzielnikaŭ niesankcyjanavanaj akcyi — rasijanaŭ i hramadzian Biełarusi. Što im inkryminujuć, pakul nieviadoma. Zatrymanych viazuć u 1-y adździeł palicyi.
Viečaram usich zatrymanych adpuścili z 1-ha adździeła palicyi. Na ich skłali pratakoły pa artykule 8-6-1 zakona Sankt-Pieciarburha №273-30 (parušeńnie supraćepidemičnych mier).
***
Siońnia stała viadoma, što biełarusam, jakija pražyvajuć u Pieciarburhu, zabaranili źbiracca la budynka pasolstva ŭ nacyjanalnaj atrybutycy i skandziravać łozunhi. Pra heta «Sieviero-Zapad. MBCH miedija» paviedamiŭ pradstaŭnik Biełaruskaha ziamlactva Artur Hruntoŭ.
«Učora da nas padyšoŭ supracoŭnik palicyi ŭ zvańni kapitana abo staršaha lejtenanta i skazaŭ, što z zaŭtrašniaha dnia nam zabaraniajecca znachodzicca la pasolstva ź biełaruskaj atrybutykaj i kryčać łozunhi», — raspavioŭ jon.
Sa słoŭ Hruntova, zabaronu palicejski patłumačyŭ 54-m Fiederalnym zakonam, jakija zabaraniajuć hramadzianam zamiežnych dziaržaŭ ładzić mitynhi na terytoryi Rasii. Pa słovach palicejskaha, pad zabaronu trapiać nie tolki vialikija ściahi, ale i maleńkija stužački sa značkami.
Hruntoŭ udakładniŭ, što palicyja źbirałasia pačać štrafavać ludziej ź simvolikaj z suboty. Štraf składzie čatyry tysiačy rasijskich rubloŭ (prykładna 140 biełaruskich).
Pry hetym prosta stajać la ambasady, bieź ściahoŭ i inšaj atrybutyki, budzie dazvolena. Adnak udzielnikaŭ siońniašniaha pikieta zatrymali.
«Na praciahu 30 hadoŭ niezaležnaści biełaruskamoŭnyja biuleteni zadavalniali ŭsich». Kamunisty abvinavacili Bondaravu ŭ raspalvańni varožaści na moŭnaj hlebie1616
Kamientary