Biełaruś raźličvaje na chutkaje padpisańnie vizavaha pahadnieńnia ź ES
Biełaruś raźličvaje na chutkaje padpisańnie pahadnieńniaŭ ź Jeŭrasajuzam ab spraščeńni vizavaha režymu i ab readmisii.
Pra heta zajaviŭ žurnalistam u paniadziełak ministr zamiežnych spraŭ Uładzimir Makiej pa vynikach sustrečy z kiraŭnikami MZS Šviecyi An Linde i Finlandyi Piekaj Chaavista, piša TASS.
«Aktualnym pytańniem našych adnosin źjaŭlajucca na siońnia pahadnieńni ab spraščeńni vizavaha režymu i ab readmisii. My spadziajemsia na ich chutkaje padpisańnie i ŭstupleńnie ŭ siłu», — adznačyŭ kiraŭnik biełaruskaha źniešniepalityčnaha viedamstva.
Pavodle jaho słoŭ, na pieramovach abmiarkoŭvalisia i inšyja temy. «My abmiarkoŭvali pierśpiektyvy zaklučeńnia bazavaha pahadnieńnia ź Jeŭrasajuzam, ustupleńnia Biełarusi ŭ SHA, raźvićcia «Uschodniaha partniorstva», — adznačyŭ kiraŭnik MZS Biełarusi.
Rada ES 18 listapada abviaściła pra hatoŭnaść padpisać pahadnieńnie ab spraščeńni vizavaha režymu ź Biełaruśsiu. Jano praduhledžvaje skaračeńnie koštu karotkaterminovych šenhienskich vizaŭ (na termin da 180 dzion za pieryjad u 360 dzion) z 80 da € 35, a taksama skaračaje pieralik dakumientaŭ, nieabchodnych dla atrymańnia karotkaterminovych viz. Biełaruski bok raniej taksama paćvierdziŭ hatoŭnaść zaklučyć heta pahadnieńnie. U pakiecie ź im pavinna być taksama padpisana pahadnieńnie ab readmisii.
Va Ukrainie zahinuła 24-hadovaja biełaruskaja dobraachvotnica Maryja Zajcava20
Kamientary