Poŭnaja prahrama Lidbeer-2018: čarhovaść vystupoŭcaŭ, karta i fiestyvalnyja fiški

Lidbeer-2018 praciahvaje tradycyi, tamu znoŭ na hałoŭnaj scenie vystupiać rok-hurty ź Biełarusi, Rasii i Ukrainy: «ČuVstvo Poleta», Nizkiz, Animal DžaZ, «Vopli Vidaplasava». Chedłajnieram kancerta stanie «Leninhrad», jaki ŭpieršyniu za niekalki hadoŭ paraduje biełarusaŭ adkrytym farmatam vystupu.

Fiestyvalnaje mieniu z roznymi kuchniami śvietu

Kab uvieś dzień naviedvalniki Lidbeer siłkavalisia hruntoŭna, raznastajna i smačna, buduć zadziejničany 196 kropak fudkortu. Fiestyvalnamu mieniu nadali vialikuju ŭvahu: naviedvalnikam prapanujuć nie tolki piŭnyja zakuski, sneki i fastfud, ale i haračyja abiedy z sytnych stravaŭ nacyjanalnaj, jeŭrapiejskaj i inšych kuchniaŭ śvietu.

Na fudkorcie znoŭ paznačać kropki dla tych, chto žadaje nabyć tolki piva, i tyja zony, dzie ŭ najaŭnaści i napoi, i ježa. Darečy, košt raźliŭnoha i banačnaha piva składzie 2,5 BYN za abjom 0,5 litra.

Arhanizatary źviartajuć uvahu, što raśpićcio piva dazvolena tolki na terytoryi fudkortu. Prachod ź pivam na terytoryju kancertnych placovak zabaronieny. Poŭny pieralik praviłaŭ fiestyvalu raźmieščany na sajcie Lidbeer.by.

U bolšaści kropak praduhledžana apłata pa bankaŭskich kartach, adnak arhanizatary rekamiendujuć mieć pry sabie i najaŭnyja.

Pavialičyć

Biaspłatny šašłyk z rekordnaha manhała i mnostva aktyvacyj

Na Lidbeer znojdziecca zaniatak kožnamu. Tut i vialikaja dziciačaja placoŭka z animatarami, batutam i inšymi zabaŭkami, moŭnyja hulni, stralba z łuka łaziertah dla amataraŭ aktyŭnaha adpačynku.

Vyklučnaje vidovišča razhorniecca na placoŭcy «Aficyjnaje piva Lidbeer. Idziom na rekord!». Z 14:00 u śpiecyjalnaj zonie kala Lidskaha zamka buduć rychtavać rekordna doŭhi šašłyk. Na manhale praciahłaściu 5,5 m pry dapamozie adnaho šampura čaćviora kucharaŭ adnačasova buduć rychtavać adnu ź lubimych zakusak biełarusaŭ. Hości śviata zmohuć nie tolki panazirać za padrychtoŭkami, ale i biaspłatna pačastavacca rekordnaj zakuskaj.

Amataram fana pryjdziecca pa dušy placoŭka Lidskaha kvasu. Hości placoŭki zmohuć paciešycca kvašanym dartsam ź niestandartnymi mišeniami ŭ vyhladzie zadańniaŭ i kvasam u padarunak za trapleńnie ŭ «jabłyčak».

Dla darosłych i maleńkich haściej taksama budzie pracavać Łunapark i cyrk Sierža Bandarčuka «DZIVA». Košt płatnych aktyvacyj fiestyvalu — ad 3 da 10 rubloŭ, kvitki na cyrkavyja pakazy — ad 10 da 25 rubloŭ.

Upadabany mnohimi zaŭsiodnikam Lidbeer kvest hetym razam projdzie ŭ farmacie fotapalavańnia. Pieršyja 50 pieramožcaŭ kvesta atrymajuć śpiecyjalny pryz, a astatnija ŭdzielniki — pryjemny padarunak.

Nie abyjdziecca i biez tradycyjnych ekskursij na zavod AAT «Lidskaje piva». Trapić na ekskursiju na vytvorčaść zmohuć paŭnaletnija hości Lidbeer (kolkaść miescaŭ abmiežavana). Ekskursijnyja hrupy farmujucca ŭ paradku žyvoj čarhi z 7:30. Zapis budzie vieścisia ŭ promastojki kala hałoŭnaha ŭvachodu na zavod pa adrasie: vuł. Mickieviča, 32.

14:00 — 18:00 — Aktyvacyja «Aficyjnaje piva Lidbeer. Idziom na rekord»

10:00 — 18:00 — Zona «Lidski kvas»

10:00 — 21:00 — Infacentr

10:00 — 20:00 — Aktyvacyi, muzyčnyja pradstaŭleńni vakoł Lidskaha zamka

10:00 — 20:00 — Aktyvacyi ŭ zonie hała-kancerta

10:00 — 23:00 — Suvieniry

18.00 — 20:30 — Cyrk

00:00 — 22:00 — Łunapark

10:00 — 23:00 — Ramieśniki

10:00 — 20:00 — Dziciačaja zona

08:00 — 18:00 — Ekskursii na zavod «Lidskaje piva»

13:00 — 17:00 — Interaktyŭny kvest

Hučny kancert adrazu na 2 scenach

Z 13:00 na małoj scenie buduć vystupać maładyja biełaruskija kalektyvy — pieramožcy anłajn-hałasavańnia. Sioleta scena jak nikoli paraduje raznastajnaściu: tut i mietał, i fołk, i pop-rok. Hości fiestyvalu zmohuć užyvuju pasłuchać Yellow Arc 6 — lidaraŭ hałasavańnia, jakija adkryjuć hała-kancert fiestyvalu Lidbeer u nastupnym hodzie.

Pavialičyć

Raskład vystupaŭ:

13:00 — 13:30 — JOHN CONNOR

13:45 — 14:15 — Taras na Parnasie

14:30 — 15:00 — Julija Hlebava i «Čas Speak»

15:15 — 15:45 — Rosy

16:00 — 16:30 — ILLION

16:45 — 17:45 — Yellow Arc 6

Na placoŭku hała-kancerta hledačy zmohuć trapić užo z 10:00. Tut usio praduhledžana dla kamfortnaha baŭleńnia času haściej z ranicy i da skančeńnia kancertnaj prahramy: i admysłovaja zona aktyvacyj, i ŭłasny fudkort z sanitarnaj zonaj.

Na placoŭcy ŭstalujuć śpiecyjalny pamost dla kamfortnaha prahladu kancerta ludziam z abmiežavanymi mahčymaściami.

Raskład vystupaŭ:

17:30 — Pačatak raboty hałoŭnaj sceny

17:35 — 18:00 — ČuVstvo Palotu

18:20 — 19:00 — Nizkiz

19:20 — 20:20 — Animal DžaZ

20:40 — 21:40 — «Vopli Vidaplasava»

22:00 — 23:45 — «Leninhrad»

23:45 — Fiejervierk

Pavialičyć

Kiempinh na 1500 namiotaŭ

Pa šmatlikich prośbach haściej fiestyvalu, namiotavy haradok budzie adkryty ŭžo napiaredadni fiestyvalu — z 15:00 7 vieraśnia. Terytoryja pad kiempinh znachodzicca nasuprać stadyjona «Start», pobač z nasielenym punktam Navasiołki. U łahiery zmohuć źmiaścicca da 6 000 čałaviek.

Nasupierak praktycy mnohich jeŭrapiejskich fiestyvalaŭ, kiempinh na Lidbeer — biaspłatny. Pry hetym usie žadajučyja mohuć uziać u arendu nieabchodnaje pachodnaje abstalavańnie prama ŭ łahiery pa papiaredniaj broni. Z poŭnym prajsam možna aznajomicca ŭ raździele F.A.Q na Lidbeer. by. U łahiery praduhledžany prybiralni i myjniki, a taksama parkoŭka dla aŭtamabilaŭ, za paradkam budzie sačyć milicejski patrul. Kiempinh budzie pracavać da 15:00 9 vieraśnia.

Pavialičyć

Aficyjnyja bas-tury i abjaznyja darohi ŭ Lidu

Na hałoŭnaj trasie, jakaja złučaje Minsk i Lidu, jašče pravodziacca ramontnyja raboty, tamu hetaja daroha da fiestyvalu moža apynucca najbolš doŭhaj. Kab paźbiehnuć mahčymych zatoraŭ arhanizatary rekamiendujuć alternatyŭnyja maršruty. Tak, u Lidu možna dajechać pa trasie Je30 / M1 — 51 km da źjezdu na pasiołak haradskoha typu Mir (daroha R64). Dalej kala Mira paviarnuć na trasu R11 i ruchacca da vioski Hančary, potym vyjechać na trasu Je85, jakaja pryviadzie ŭ Lidu.

Centr horada pačnuć pierakryvać užo 5 vieraśnia z 18:00. Praśpiekt pieramožcaŭ, vulicy Leninskaja, Zamkavaja, Taŭłaja i Kirava całkam buduć zakryty dla prajezdu 7 vieraśnia z 10:00. U dzień fiestyvalu parkoŭki dla haściej fiestyvalu raźmieściacca ŭzdoŭž vulic Taŭłaja i Leninskaj ad kurhana Słavy. Taksama praduhledžany parkovačnyja miescy ŭ namiotavym miastečku ŭ Navasiołkach, Jodkach i Astroŭli. Z hetych nasielenych punktaŭ kožnyja 30 chvilin buduć kursiravać aŭtobusy.

Tym, chto nie maje ŭłasnaha transpartu, možna skarystacca aficyjnymi bas-turami, u košt jakich uvachodzić bilet na hała-kancert i daroha ź Minska ŭ Lidu i ź Lidy ŭ Minsk. Košt kvitka na bas-tur — 53,50 BYN. Aŭtobusy adpraŭlajucca ad stancyi mietro Kamiennaja horka ŭ 10:00, 10:30, 11:00, 11:30 i 12:00. Zvarotny vyjezd zapłanavany na 00:45.

• 0
• 0
• 0
• 0
• 0
• 0
• 0
• 0