Muzyka3333

Dziaŭčyna robić biełaruskamoŭnyja kaviery na papularnyja pieśni. Vybar niekatorych artystaŭ ździŭlaje

Dziakujučy Alinie Hurskaj na biełaruskaj movie zahučali navat pieśni Šamana. Sprečnaje, kaniečnie, pytańnie, čaho ŭ hetym bolš — plusaŭ ci minusaŭ. A vy jak ličycie?

Alina Hurskaja. Tut i dalej fota ź jaje sacsietak

Alinie 22 hady, jašče letaś dziaŭčyna pracavała pa raźmierkavańni ŭ Homieli muzyčnaj kiraŭnicaj u adnym ź dziciačych sadkoŭ. Ale dziaŭčyna źbiehła adtul adrazu, jak pierastała być daŭžnicaj dziaržavy. U sacyjalnych sietkach jana pryznavałasia, što na 99% nie lubiła svaju pracu (a toj 1%, jaki joj padabaŭsia — heta dzieci).

Paśla zvalnieńnia Alina pierajechała ŭ Minsk. Dziaŭčyna viadzie akaŭnty ŭ instahramie dy tyktoku i ahułam maje 70 tysiač padpisčykaŭ. Jaje hałoŭnaja fiška — biełaruskamoŭnyja kaviery.

Śpiavačka praśpiavała na biełaruskaj takija papularnyja pieśni, jak chit Money hurta ABBA, Show must go on rok-bendu Queen, a taksama «Hruzinskaje dyska» ad Nikos Band. Ale čaściej za ŭsio Alina robić kaviery na rasijskuju estradu i pieraroblivaje chity MakSim, Nadziei Kadyšavaj, ANNA ASTI i inšych.

@gyrskayaya #ALINKA #riekomiendacii ♬ orihinalnyj zvuk - ALINKA

Adno z najbolš papularnych muzyčnych videa dziaŭčyny — kavier na pieśniu «Matuška» Taćciany Kurtukovaj. Darečy, mienavita hety trek prynios papularnaść byłoj vykładčycy Pienzienskaha kaledža mastactvaŭ. Ciapier «Matuška» — adzin z hałoŭnych ideałahičnych chitoŭ na rasijskaj estradzie.

Sama Kurtukova tłumačyła pośpiech pieśni tym, što padčas «chłuśni i kryvadušnaści» ŭ ludziej uźnikaje patreba ŭ «pošuku praŭdy», ad čaho «ŭźnikaje cikavaść da svaich karanioŭ i da tradycyjnaj kultury».

@gyrskayaya Kavier Pa Biełarusku - Matuchna ziamla Zapustim novyj triend ? Pierievod vołšiebnika @Deduhka_Pak #riekomiendacii #ALINKA #minsk #biełaruś ♬ orihinalnyj zvuk - ALINKA

Biełaruskaja viersija pad nazvaj «Matuchna ziamla» nabrała ŭ tyktoku 774 tysiačy prahladaŭ i 606 tysiač prahladaŭ u instahramie. Zamiest «Dla mienia — Śviataja Ruś, dla druhich — zanozońka», Alina śpiavaje: «Heta Biełaruś maja, heta majo soniejka».

Jašče bolš papularnym staŭ kavier Aliny na pieśniu Šamana «Vstaniem». Jon nabraŭ 1,3 miljona prahladaŭ u tyktoku, ale ŭsiaho 77 tysiač u instahramie.

Treba adznačyć, što ŭ dziaŭčyny šmat ruskamoŭnych prychilnikaŭ, jakija, dziakujučy Alinie, adkryli dla siabie pryhažość biełaruskaj movy.

Jakraz ciapier Alina pracuje nad kavieram na pieśniu Siarhieja Łazarava «Dažie jeśli ty ujdioš». U storys dziaŭčyna raskazała, što zapis 30 siekund kaviera kaštuje joj šmat niervovych kletak — u niejkija momanty jana navat choča złamać mikrafon.

— Ja chaču ŭsio i adrazu. I kali ź pieršaha razu nie atrymlivajecca, pačynaju psichavać. Ja viedaju, što ŭsio i adrazu nie byvaje. I vučusia być spakojnaj u takich situacyjach.

Kamientary33

  • Bububu
    07.01.2025
    Nievierojatnaja, što, bolšie słov nie vyučił?
  • Nu čto
    07.01.2025
    Mołodiec! Pusť choť Šaman, zato popularizirujet biełorusskij jazyk
  • Miełaman
    07.01.2025
    Tak i ŭjaŭlaju jak zaciahvaje "Ja maskaaal".

U jaki dzień u 2020-m mahli zdarycca pieramieny? Polski dypłamat vydaŭ knihu ab pracy ŭ Biełarusi i daŭ adkaz na heta pytańnie

U jaki dzień u 2020-m mahli zdarycca pieramieny? Polski dypłamat vydaŭ knihu ab pracy ŭ Biełarusi i daŭ adkaz na heta pytańnie

Usie naviny →
Usie naviny

ZVR Biełarusi dasiahnuli 9 miljardaŭ dalaraŭ6

Jak telešou dapamahli źnizić kolkaść razvodaŭ u Paŭdniovaj Karei2

Anastasija Niufier z ZŠA, vyzvalenaja ŭ Biełarusi ŭ dzień vybaraŭ, apublikavała pieršaje fota

Dva homielskija kur‘jery zabrali 100 tysiač u 87-hadovaj žančyny, kinuli kuratara i pačali sałodkaje žyćcio5

U 35 hadoŭ pamior padpałkoŭnik, jaki zajmaŭsia asabliva važnymi spravami ŭ centralnym aparacie MUS7

Mus moka. Jak nasić samy modny koler hetaha hoda?12

Administracyja Trampa skaračaje štat USAID u 30 razoŭ8

Na miažu viarnułasia čarha z aŭtamabilaŭ1

Milicyja raskazała, što rabić pry šantažy intymnymi fota ŭ Siecivie

bolš čytanych navin
bolš łajkanych navin

U jaki dzień u 2020-m mahli zdarycca pieramieny? Polski dypłamat vydaŭ knihu ab pracy ŭ Biełarusi i daŭ adkaz na heta pytańnie

U jaki dzień u 2020-m mahli zdarycca pieramieny? Polski dypłamat vydaŭ knihu ab pracy ŭ Biełarusi i daŭ adkaz na heta pytańnie

Hałoŭnaje
Usie naviny →

Zaŭvaha:

 

 

 

 

Zakryć Paviedamić