Hurt Maryi Haŭrylenka i Aliny Kazačenka ŭ jakaści pryza atrymlivaje 1000 rubloŭ i zdymki klipa na pieśniu, ź jakoj pieramoh u konkursie, zładžanym partałam TuzinFM razam z fondam «Viartańnie».
Pieramožca sioletniaha konkursu byŭ abvieščany na kancercie finalistaŭ, jaki prajšoŭ 21 kastryčnika ŭ mienskim klubie «ILI». Najlepšy byŭ vyznačany pavodle hałasavańnia žury, u jakoje sioleta ŭvajšli Siarhiej Doŭhušaŭ (Vuraj), saŭnd-pradusar Andrej Akataŭ, elektronny muzyka Źmicier Litvinovič (CherryVata), Aleh Chamienka («Pałac»), a taksama zasnavalniki konkursu Pavał Bierahovič i Siarhiej Budkin.
Usie čatary finalisty konkursu paŭdzielničali ŭ adukacyjnaj sesii konkursu, u miežach jakoj prajšli lekcyi, majstar-kłasy, praca ŭ studyi i žyvyja kancerty. Razam z mentarami jany daviali da ładu pieśni, jakija padali na konkurs, dy zapisali ich nanoŭ. Vynik ich pracy na «Zaśpiavaj 4x4» jakraz i acaniła žury. «Vybar byŭ niaprosty, bo ŭsie čatyry finalisty vielmi mocnyja. Kožny ź ich moža ličyć siabie adnym ź lepšych na hetym konkursie, bo dajšoŭ da kanca. I my spadziajemsia, što viedy, atrymanyja padčas udziełu ŭ našym konkursie, dapamohuć usim čatyrom vykanaŭcam pieraadoleć nievierahodna składany barjer i pierajści z katehoryi «maładych i talenavitych» u katehoryju artystaŭ, jakija adbylisia. Ad imia ŭsiaho žury konkursu žadaju finalistam, hurtam «Małała», K3tyvana, «Tutejšyja» natchnieńnia i pośpiechu ŭ dalejšym», — zaznačaje pradusar konkursu Siarhiej Budkin.
Pieśniu, jakaja zaviecca «Pa nieadstupnaści» Helious zapisali na vierš biełaruskaj paetki Niny Listoty.
«My biaźmiežna radyja, što pieramahli! Padčas konkursu my pracavali, z nami pracavali, nad nami pracavali, u vyniku my pierahledzieli svaje pohlady na hučańnie, na padaču, u nas źjaviłasia soniečnaja nazva hurtu, a kancepcyja konkursnaj pieśni prosta pieraviarnułasia z hałavy da noh!», — kažuć dziaŭčaty z Helious. U bližejšych planach Maryi Haŭrylenki i Aliny Kazačenki zapisać debiutny albom. Ad arhanizataraŭ «Zaśpiavaj 4x4» jany atrymajuć tvorčuju stypendyju pamieram u 1000 rubloŭ, taksama režyser Arciom Łobač sioleta zdymie im klip na konkursnuju pieśniu.
Konkurs «Zaśpiavaj» čaćviorty hod pravodziać internet-partał TuzinFM razam z fondam «Viartańnie». Jahonaja meta zaachvocić maładych vykanaŭcaŭ źviartacca da biełaruskaj movy i paezii ŭ svajoj tvorčaści. U raniejšyja hady pieramožcami stanavilisia Vital Varanko (2014), Naviband (2015), Pauline, Leibonik i tryjo Dźmitry Nikanovič-Volha Saciuk-Mikita Najdzionaŭ (2016).
Cichanoŭskaja pavinšavała tvitar z hadavinaj bitvy pad Oršaj. I tut pačałosia13
Cichanoŭskaja pavinšavała tvitar z hadavinaj bitvy pad Oršaj. I tut pačałosia
«Samaje hałoŭnaje ciapier — zabiaśpiečvać subjektnaść Biełarusi». Franak Viačorka raskazaŭ, ci jość stratehija ŭ demsiłaŭ i na što ŭpłyvaje Cichanoŭskaja2727
Kamientary