Šviejcarskija prakurory pačali rasśledavańnie paśla taho, jak dziasiatki tysiač jeŭra byli spuščany va ŭnitaz ŭ Ženievie, paviedamlaje Bi-bi-si.
Kupiury naminałam 500 jeŭra byli vyjaŭlenyja ŭ prybiralniach adździaleńnia banka UBS u Ženievie i troch bližejšych restaranaŭ.
Banknoty, mnohija ź jakich byli razrezanyja na častki nažnicami, znajšli niekalki miesiacaŭ tamu, adnak viadoma pra heta stała tolki ciapier.
Paviedamlajecca, što na čystku trub paśla incydentu było vydatkavana niekalki tysiač šviejcarskich frankaŭ.
Ułady ES majuć namier u bližejšy čas vyvieści banknoty naminałam 500 jeŭra z abarotu z-za vykarystańnia ich u niezakonnych apieracyjach.
Płanujecca, što kupiury całkam buduć vyviedzienyja z abarotu ŭ 2018 hodzie.
Źniščeńnie i paškodžańnie hrašovych znakaŭ nie źjaŭlajecca złačynstvam u Šviejcaryi, ale miascovaja prakuratura paćvierdziła, što źbirajecca pravieści rasśledavańnie abstavinaŭ, jakija papiaredničali hetaj dziŭnaj znachodcy.
«My vyśviatlajem pachodžańnie hetych banknot, a taksama mahčymy kryminalny śled u hetaj spravie», - paviedamiŭ Bi-bi-si pradstaŭnik prakuratury Ženievy Vins Deruan.
«Heta nasamreč vielmi dziŭnaje zdareńnie», - dadaŭ jon.
Pry hetym Deruan nie staŭ kamientavać paviedamleńni ŭ francuzskich ŚMI ab dopytach pa spravie.
«Ja pryjechała ŭ 4:50 i była ŭ čarzie 77-ja». Jak ryełtarka nabyvała dla siabroŭki kvateru ŭ elitnym ŽK Minska9
Kamientary